للاخوان في السلع في راس مشيرب:
المنطقه هذي خير السلع فيها ماشاءالله, الخباط صوب دوحة طلاب, والبياح صوب الشبك ,والبدح تدفره ع السيف والقصاصير واعتقد هناك 7 قصاصير (تحميل بالاطنان) والشعوم ايضا صوب الشبك بس تحلق عليهم,
والهوامير صوب القصار العود امتداد دوحة طلاب تقريبا 800 متر وتخيل المسافه والتشخيط في هالمنطقه.
وعلى يمين القصار العود والفشت العود( الشعري) ير ما تير وطبعا تعرفون شعاري السلع ..
والسكار وما ادراك ما السكار في هالمنطقه.
طبعا هالاماكن سهله بالنسبه لاهل السلع (صوب عزبةالمرحوم بن مهنا)….
هذي من خبرتي 4 سنوات لها المنطقه لان بعدها ماجابلها حد غير بن مهنا الله يرحمه والفشت …..
(ابعد مسافه بينك وبين السيف 4 ميل وهالخير كله ماشاءالله) فما يحتاي احداثيات….
وبالتوفيق انشاءالله
9 thoughts on “راس مشيرب (السلع)”
Comments are closed.
يا اخوي اتمنى تعطينا احداثيات الموقع
انا من اهل دلما فما اعرف المنطقه رغم انها قريبه منه
فاتمنى بس تعطينه الاحداثيات علشان ما نتووه مني مناااك
ومشكور على المعلومات الطيبه
انا وياك اخ بن منصور وحتى ربعي لاحظوا هالشي لكن حياتي كلها غزول من دفار وهيال وحلاق وسكار …ولفاح …الا اذا الشباب من بوظبي زارو المنطقه لانهم يعانون من مجابل السمج من الغزول وشوف كم متر ….؟! وخصوصا لو مشحون صافي
قالوا ياخوي يينا نستانس من لفاح وحداق, جابل انت وهنودك….هههه.
يزاك الله خير على هالمعلومات وبالنسبة لصيد السلع
يا سلااام تصيد وانته مرتااااااااح بس فيه شي لاحضته في السلع
ان السمكه هنااك الكبيره يوم تسحبها تيي معااك وماتعااندك نفس سمكة بوظبي
هنيه الصغيره تسوييلك يوله وصوله
ووسبحان اله ماشي وسط في السلع يا صغييره ياكبيييره
والسمووحه
على فكره كل اللي يبالك بانوش من 9 ~25 قدم ومكينه ب جيك للدفار وغزول رصاص 7 دمامي (لا انصح بالنايلون) …. وصلى الله على سيدنا اشرف الخلق محمد بن عبدالله
يزاك الله الف خير يا الفشت على الطرح الحلووو
نتريه يديدك