للاخوان في السلع في راس مشيرب:
المنطقه هذي خير السلع فيها ماشاءالله, الخباط صوب دوحة طلاب, والبياح صوب الشبك ,والبدح تدفره ع السيف والقصاصير واعتقد هناك 7 قصاصير (تحميل بالاطنان) والشعوم ايضا صوب الشبك بس تحلق عليهم,
والهوامير صوب القصار العود امتداد دوحة طلاب تقريبا 800 متر وتخيل المسافه والتشخيط في هالمنطقه.
وعلى يمين القصار العود والفشت العود( الشعري) ير ما تير وطبعا تعرفون شعاري السلع ..
والسكار وما ادراك ما السكار في هالمنطقه.
طبعا هالاماكن سهله بالنسبه لاهل السلع (صوب عزبةالمرحوم بن مهنا)….
هذي من خبرتي 4 سنوات لها المنطقه لان بعدها ماجابلها حد غير بن مهنا الله يرحمه والفشت …..
(ابعد مسافه بينك وبين السيف 4 ميل وهالخير كله ماشاءالله) فما يحتاي احداثيات….
وبالتوفيق انشاءالله
9 thoughts on “راس مشيرب (السلع)”
Comments are closed.
هلابك اخوي الفشت وتسلم على هالمعلومه الطيبه اللي ماتحصلها اللا من الطيبين
وبحر الغربيه معروف ولله الحمد بكثرت السمك اللي فيه..
تحياتي لك
اخوي بحر دلما اذا كنت من فريق بحر دلما لاتقرب السيف الله يخليك لأني شايف شو يسوي فريق بحر دلما يوم يجتمعون اعضائه .. ماشاءالله عليهم يسوون اعدام للهوامير وباقي الاسماك الكبيره..حياك يابحر دلما في اي وقت للسلع او براكه .
تحياتي لك.
اخوي الفشت دير بالك من مشرفنا بن منصور
تراه مودي العده كلها للسع ورايح السلع بنفس مفتوحه ..
واخيرا
الله يرحم بن مهنا ويغمد روحه الجنه… اذكر قالي قصه كان السبب في استرجاع جزيره لأبوظبي
تحياتي للجميع
اوعدك بحر دلما اييبلك الاحداثيات لكن حاليا انا رديت من الدوام من الرويس وفي بوظبي الحبيبه …
بس اروح الرويس اشوف ال Gps واقولك…..تحياتي
يا اخوي ما عليك نحن راعين بحر ونعرف المسارات
وبنرووح بالنهار
وبانتظار الاحداثيه يا اخوي
لانه ولا مره قربت صوب السلع دايم اكون بعيده عنها
فاراح ادعيلك والله
وبانتظاااااااااااااااااارك
اخوك
بحر دلما
الاخ بحر دلما ,شكرا على مرورك ….
بالنسبه للاحاثيات ماظن اساعدك فيها لان كل شي جريب من البر ,الدفار ع السيف وانشاءالله بحاول اييبلك الاحداثيات مخزنه عندي للخباط بس من توصلها راح تشوف القصاصير حولك لكن تحمّل من الفشت العود بالليل, لي مايعرف المنطقه والدرب بالليل ربي يحفظه ..(كثر من غزولك) موسمه الزريدي في السلع
انتظر الاحداثيات ….وموفق اخوي بحر دلما