راس هدرز بروجكت اكس حق الفتك + رنقات2004 فتك + كراسي خلفية2007 للفتك للبيع

السلام عليكم ورحمة الله وبركاته ..

عندي بعض الاغراض الخاصة للفتك وأعرضها للبيع ..

* راس هيدرز + بيب لين النص + دبة البيئة (( فاضية بدون فلتر ))

المنيفول استانلس ستيل لونق (( تفصيل بروجكت اكس في بوظبي )) ..

استعمال بسيط جداً والسامان نظيف كنت مركبنه على الفتك مالي موديل 2007

والسعر 1500 درهم لا غير … المنفلوول مع البيب مع فلتر البية .. جاهز للتركيب بدون عناء

* رنقات نيسان فتك شكل 2003-2004
4 رنقات نظاف جداً جداً جداً بدون شحفات بدون ضربات استعمال 3 شهور تقريباً

مواصفات الرنقات .(( تجارية _ طبق الأصل كوبي بيست هاي كواليتي درجة أولى ونادرة في السووق وانا تعبت لين حصلتها وشارنهن يداد بكراتينهن واستخدمتها 3 شهور ونص تقريباً والحين رجّعت رنقات الوكالة مقاس 17 وركبت مياجر وافتكيت من تواير ال 900 .
مافيها فرق بينها وبين رنقات الوكالة بالطبعة وباللون وبكل شي والحمد لله مظبووطه ومافيها رقلة ..

وللعلم نفس هذا النوع من الرنقات 4 أنواع في السووق شي صيني وشي تجاري رقم 2 ورقم 3

انا شارنهن ب 1400 درهم بضرابه وسعر البيع 750 درهم لا غير

واللي بياخذ الرنقات بعطيه هدية فلتر K&N هههه بدون الانتيك ويشهد عليّ ربي انه استعمال 5 أيام فقط ومن عقب ماخالفوني عليه بطلته وركبت فلتر الوكالة .. بس الفلتر مغبر شوية يمكن لاني مخلنه في كراج السيارة بس يباله تنظيف بهوا وخلاص …

* كراسي فتك عدد 2 كرسي اللي يركبن في الدبّة مال الفتك .. الكراسي الكبار طبعاً موديل 2006-2007 .. بس مب مخمل شامواه .. لون المخمل رصاصي والكراسي ملبسة جلد بيج ..

اللي يريد الكراسي يخبرني وما بنختلف بسعرهن حتى لو يعطيني عنهن 200 درهم والله انا راضي ومن صووبه لاني ما احتاجهن موولية وقليل من يبحث عن كراسي للفتك ..

..

بخصووص اليوني جب .. والله كنت افكر ابيع اليوني جب اللي على الفتك الاسوَد .. والبارحه سرت بطلته عند باتريوت والتبطيل برووحه ب 150 درهم واتضاربت معاهم وخذوا منّي 100 درهم على التبطيل ..

والله ابصراحه اتشاور ابيعه واتشاور ما ابيعه .. وكنت حاط النية انّي ابيعه .. لاني قلت يمكن ابيع الفتك مالي .. بس الحين محتار واتشاور ما ابيع الفتك واقوول يمكن انّي احتاج لليوني جب مرّه ثانية …

ولو فكرت وعزمت ابيعه تراني بعرضه للبيع ..والسموحه ادري مللت فيكم وطوّلت عليكم ولكن اعتقد انّي ما خليت شي الاّ وقلته عشان اللي يبا الحاية اتكون عنده درايه بالموووووضووع

هذا رقمي 6174446-050 مع تحيات عاليين المقامي ..

ولو مارديّت يرجى ارسال رسالة نصية

والاتصال ياليت لو يكون من بعد الساعه 3 الظهر ومافيه مانع الاتصال في الليل وآخر الليل لاني اسهر لين الصبح تقريباً ..