تعتبر مهنه راعي السمبوسه من اقدم مهن الملباريه والهنود المتجولين
في الخليج العربي بجانب مهنه الليلام
وبدات هذه المهنه في بدايه الثمانينات كما يذكر الشواب والمؤرخين في كتبهم ورواياتهم
واشهر بائع سمبوسه الى الان هو عبدالله راعي السمبوسه في زعبيل
كفاحه
يعتبر راعي السمبوسه بطل مكافح لانه يكسب بعرق جبينه لما يعانيه من حر ورطوبه الخليج وكبسات
البلديه ومن تفليع وسرقات عيال الفريج :aa_mo6reqa:وتحمله المشي في الفرجان
طقوس راعي السمبوسه وعدته
كان راعي السمبوسه يبدأ رحلته اليوميه من بعد صلاه العصر بوضع كرتونه فوق راسه واما في وقتنا الحالي ومع
التطور فانه يستخدم سيكل بتان ويضعها فوق السيكل
تحتوي كرتونه البيض على
4 كيلو سمبوسه
6 اكياس صمون
2 دقوص الصقر
12 بيضه
وكرتون جبن للطلبات السبشل
من مميزات راعي السمبوسه وضع منديل على راسه
ومن طرق تسويق السمبوسه صراخ البائع باعلى صوته “سمبوسه سمبوسه سمبوسه”
واما في الوقت الحالي فانه يستخدم جرس السيكل
طريقه تحضير سندويش السمبوسه
حك الراس لمده خمس ثواني بعد التاكد من خلط دهن التاتا مع العرق وهنا سر الخلطه
وضع السمبوسه في الصمون وفركها باصابعه السحريه ووضع دقوص الصقر
ومن ثم تقديمها للزبائن
اسعار السمبوسه
ارتفعت اسعار السمبوسه 100%
السمبوسه من سنه 1980 الى 2006 1 درهم
السمبوسه من سنه 2007 الى 2008 2 درهم بعد ارتفاع اسعار البترول والمواد الغذائيه
اول مره اكتب موضوع والصور من تصويري
الصراااااااحه رووووووووعه
انت تدري يا اخوي سبحان الله من يومين بخاطري … وكنت أسال عنه
واتخبر اختي لان العام كان يمر صوب فريجنا ….ولكن الحين ما اشوووفه
صدق تولهت على هالصواط
خاطري في سندويج سمبوسه ودقوووس
يسلمووووووو يا اخوي
تحياتي
اختكم
سهمي عالي
ههههههههه والله إنك خليتنا نعيش الطفولة بموضوعك هذاا إظاهر وااايد شواب شراتنا فالمنتدى ذكرتنا يوم كنا نلعب كرة فالفريج يوم يطوف نوقف اللعب ونخليه يحط الكرتون في نص الملعب وكل واحد من صوب على الكرتون لين يشرد وحليله
شكرا عالموضوع
سلامي عليك ذكرتني بالماضي
تحياتي لك عزيزي
والله هذيل وناسه بس لو يرجعوهم للشوارع بشرط ياخذون تصاريح من البلدية ومن الصحة أول شي
عجيب انته …رجعتني 20 سنه ورا …آآآآآآآآآه يا حنين الماضي والذكريات الحلوة …مع عيال الفريج كنا دوم نشتري منه ومرات مانعطيه فلوس واذا شفناه والسمبومه امخلص كنا نسوي فيه بلاوي ونسرق سيكله …لووووووووول
اشكرك فعلا على التقرير الحلو …
بس ممكن سؤال ..هذا وين حصلته ؟؟؟ احيدهم انقرضوا مثل الديناصورات ..