بدش ف الموضوع
بيت العمر تحت الانشاء والحين دور صف السيراميك والرخام…ولكن!!
احترت من وين اخذ ولا شو اختار رخام اسباني او عماني سيراميك اسباني جرانيت…الخ
سرت ولفيت ع الصناعيه ودخلت كذا محل …
الادهم
ارض السيراميك
ناصر
المهند
راس الخيمه
بن حم
فالي مركب من هالمحلات يفيدني…لاني والله متلعوزه..وراسي بينفجر..
وكل احلامي كوابيس..مره احلم انه الدري معنقش..ومره احلم اني اتنازع مع العمال..والميلس مادري شو يصيرله…مسلسل تركي وما بيخلص………………….
فافيدوني الله يخليكم
اذا تبغين شئ زين و موديله يديد سيري دبي
في السراميك ابتعدي عن الصيني و المصري
اكثرهم درجه ثانيه و فيهم عيوب ما يعرفهااا الا الانسان الفاهم في هذه الامور
اذا تبغين شئ زين عندك الانوار الحديثه و الشايع في شارع صلاح الدين في دبي
و سراميك ستي مقابل ستي سنتر ديره
عندك سراميك راس الخيمه بس لازم من عند محلات المصنع و ليس من المحلات العاديه
اما الرخام و القرانيت الطبيعي
ابتعدي عن الصيني لان عيوبه كثيره و ما يستحمل الحراره بشكل جيد و غير معالج بشكل جيد
عندك الاسباني و الهندي اكثر انواعهن زينه
الكريمه مارفن و السيسيليا و الافندر و قولدن يلو
اطقم الحمامات
Cotto التايلندي
TOTO الياباني
و في ماركات المانيه زينه
الابواب الخشبيه
ابتعدي عن الجاهز و الصيني طبعااا
خذي الابواب الخشبيه تفصيل احسن شئ
اقفال الابواب يونيون او يلللي
اختي انتي كتبتي اسامي المحلات بس اي فرع يعني بأي امارة
وانا راح اييب لج اليوم المسا او باجر صور رخام ودري فلة شركتنا تبنيها ونوعية وتشكيلة الرخام
وراح اكتب لج من وين يايبينه
وشكرا
خذي رخام ايراااني
عجيب الصرااحه خخخخ
تسلم يا خويه ع الرد
لكن الصيني ما يمدحونه يقولون انه لمعته تروح بسرعه..انته مركب منه؟
ومن كم سنه؟
تكسر؟
وكيف من ناحية التنظيف يعني يعلم عليه العصاير وهالشغلات؟
عليكي بسوق التنين الصيني في دبي
اختاري ولا تحتاري من بين تشكيلات كبيرة
وتكاسري بالسعر لحتى تاخذي اللي تبيه