السلام عليكم
شحالكم شباب عساكم بخير شباب بغيت رايكم في نيسان ارمادا الفول ابشن عند المسعود ب 171 مع تامين وتسجيل وتجييكات وكالة مجانية ما اذكر لين كم التجييكات المهم شو رايكم فيها والصراحة الموتر من داخل عجييييب وواسع وايييد شو رايكم فيها ؟؟؟ واي لون احلى من داخل بيج ولا اسود ؟؟ ومن برا اي لون يكون حلو عليه الارمادا طبعا الموتر 2009
تسلمون شباب على الردود الجميلة وما تقصرون والله وفيكم الخير
هلا اخوي انا عندي فل ابشن 2008 موتر ما عليه كلام و سافرت فيه الصراحه مريح وايد كنت اسوق 16 ساعه بس اصب بترول و اتحرك لو الموتر مب مريح ما بتتحمل اتسوق 16 ساعه انصحك تشتريه و ابعد عن الامريكي نصيحه
الصرااحة اكثر من شخص اعرفه عنده الارمادا ومحد يتشكى منه
الكل يمدحها خاصة فالخطوط
ماا ادري اذا في حد يذمهاا
واللي ينصحك بالامريكي لا تتقرب منه
لان كله علل في علل هالكلام اقوله عن تجربه مريره لي و لاخوي
صحيح مواصفات بس الكواليتي تعبااان
عالعموووم استخير و ربي يوفقك ويوفق الجميع
هلا اخوي ..انا اعرف وايدين عندهم ارمادا ..على قولتك تارسه الشوارع …واحد يمدح فيها ويقول انها مريحة وواسعه وهاديه …وهذا شي ما اختلفنا فيه …واحد يقول انها تطلع اصوات غريبه وتقرقع وكملت معاه حوالى سنة ونص …وواحد يقول انها تطلع اصوات مزعجة لما يدخل فيها البر او الوديان …
بشكل عام السيارة ممتازة والخزان يتفول ب135 درهم ويمشيك 470 كليو داخل المدينة …وبخصوص الاصوات الغريبة هذي سببها تفكك البراغي والحل ترصيصها بالوكالة ..
وعلى فكرة الارمادا اخر شكل بينزل في 2010 وبعدين راح يلغون السيارة في امريكا لافساح المجال امام الجيل الجديد من نيسان باترول اللى راح ينزل في امريكا حسب ما قرأته في احد المواقع العالمية المتخصصة في عالم السيارات