السلام عليكم ورحمة الله وبركاته
اولا حبيت اهنى جميع الاعضاء والمراقبين والادارة بمناسبة قرب دخولنا للسنه اليديده وعساها سنة خير والله يبارك للجميع بها ويفتح عليهم من خيره وبركاته ….
اعزائي حبيت استفسر من هل الخبره والتجربه عن ال C63 لانه هالسياره دوم اشوفها في الشوارع وتلفت نظريه وخاصة انها اربع ركاب يعني وقت الحايه ممكن تركب عندك اكثر من واحد فهي سيارة سبورت ونفس الوقت سيارة ركاب حتى لو كانت شوي ظيقه للراكب في الخلف بس تراها تسد الحايه .. لانه حاليا كسياره سبورت عندي زد 350 وبسها كديتها 3 سنوات وابغي اغير … بس اليوم وانا طالع من الدوام كان واحد مبركن عدالي وعنده C63 لونه برونزي غامج والله طرررر بس الاحلى يوم ركب فيه راعيه ودقه سلف هههههه
الحمدلله والصلاة والسلام على رسول الله وعلى آله وصحبه أجمعين
على المعلومات اللي شاركتوني بها .. كفيتوا ووفيتوا وتسلمون لي على مرووركم الغالي دام نه السالفة فيها فيس لفت وتغييرات يمكن اتريا شوي الا اذا لقيت بسعر مناسب وانا ادري السوق هني عندنا الواحد يبا يبيع بنفس سعر الشراء وازيد حتى لو كان لاعن ابو قفد السياره … وحتى ولو نزل الشكل اليديد في بعض الناس بعدهم مصرين عالسعر الغالي ويا ما شفنا بس يرد يقولك كل واحد حر بحلاله وهالكلام صحيح على عيني وراسي بس مب تطلب لي سعر والسياره ماتستاهله وانته تدري انه الشكل بيتغير .. عالعمووم نفس ماقلت قبل انا شكلي بتريا شوي و نفس الوقت بدور على اقل من راحتي يمكن احصل واحد لقطه بسعر مناسب وانا لاافكر دعاس وتزويد وخربطان ولاشي خلاص مليت الزد مطرقعنها فوول حتى كرسي المعيون شالنه ههه عسب اخف الوزن وماخليت سياره ماجربت وياها من ZR1 لين الفراري GTB 599 و GTB 485 ماخليتهن في حالهن بس باقي اجرب مع بوقاتي ولا SLR ههه .. وعندي تندرا وكذلك هي نفس الشي مزوده سوبر وبرمجه وشوية خرابيط خلاص بس من الخساير عالتزويد والله مليت … انا اذا الله راد وخذت C63 حتى برمجه ما ببرمج اباه وكاله يازينه وعسى الله يقرب لي فيه الخير وشكرا مره ثانيه على مررووركم ومشاركتكم
أول شي صديقي … كل عام و انت بخير …. و ينعاد عليك انشاء الله و انت راكب سي 63 ^_^
انا عن عمري ما عندي سي 63 …… بس 3 من ربعي عندهم … الود ودي اخذها بس المشكله اني معرس و عنديه ولد الحمدلله .. بخصوص السياره تراها جدا جدا جدا عمليه …. من ناحية شكل و قوة … و ثاني شي طال عمرك تاخذ المرسدس مستعمل مثلاُ موديل 2009 و ماشي شوي سواء كان وارد ولا خليجي … عندنا في بوظبي موجود كراج المراغي … المراغي هذا يا طويل العمر راعيه كان فورمن في وكالة المرسدس و طلع و فتحله هالكراج …. يعرف المرسدس من مدعميته لي جدام لين المدعمية لي ورا …. سواء كان 63 او 65 او 500 …. و اسعاره معقولة جدا جدا …. و المرسدس عامة اليديد ( يعني الموديلات اليديده ) تتشيك كل 15000 كيلو ….. و عند المراغي كل 15000 كيلو بتدفعلك ما بين ال 1000-2000 درهم شامل شغل ايده و تغيير الزيوت …. و الميجر سيرفس للمرسدس تقريباً 3000 درهم …… انا بعيوني شايف اس ال آر مكلارين عنده في الكراج تتشيك …. و معروف ال سي 63 مال كد ….. شي شباب ما يعرفون يمشون به شوي شوي ….. يا ريس كامل يا ريس المكينة لول .. و ما يشتكون منه ابداً
و اذا تبا نصيحة من اخ …. لا تاخذ يديد لانه حرام …. لان اول شي مكينته بتتغير و بتنزل 5.5 باي توربو ( تون توربو ) بس على فكرة بتكون نفس القوه بس فرق 40 – 50 حصان ما بين ال 5.5 تون توربو اليديد و ال 6.3 الحالي …… و ثاني شي سعره في الوكاله ما يقارب ال 350 ألف …. و في السوق تلقاهن مستعملات ب 240 الف بالكثير لو كان نظيف موديل2009 ( خليجي ) اما الوارد موديل 2009 بالكثير بالكثير سعره 205 – 200 ألف … نصيحة من اخ دورلك شي نظيف و ما يختلف الوارد من الخليجي الا الرنقات + الليتات البرتقالية لي عالمدعمية اللي جدام و الطبلون اييك بالميل بدال الكيلو + الاشاير اللي في الصطابات لي ورا مب برتقاليه اتييك حمره يوم تضرب اشاره يمين ولا يسار … و الاغلبيه لي في شوارع بوظبي وارد امريكا …… لان الليتات اللي عالمدعمية لي جدام تنشال و تتسكر ب 1500 درهم في كذا كراج في بوظبي مختصين في هالسوالف ….. و الرنقات يا طويل العمر ب 7000 مع توايرهن ( اتكلم عن كوبي 100% تايلنديات ) …. بس انت دور الجاهز … تحصل جاهزات برنقاتهن و مسكرين الفتحات لي جدام ….. بس انتبه + انتبه + انتبه …. اغلبهن عندنا في بوظبي مبرمجات و جالعين فلاتر البيئة لي في القزوز ….. عليك ب ميزان الشيخ ( يفحصلك الموتر و ينخلك اياه نخال ب 350 درهم ) يطلعلك عيوب الموتر كلها سواء صبغ او كهربا و دفريشن و قير …. و اذا كان مبرمج نصيحة ابتعد عنه … لانك ما تعرف انت منو مبرمجنه و شو مسوي في الموتر ….. مع انه البرمجة عامة اتييك سيفتي ….. بس انت تبرمجه عند حد واثق فيه … ولا انه اييك مبرمج و جاهز
عالعموم ياليت اني قدرت افيدك بالمعلومات الكافيه في اللي كتبته … و الله يوفقك ان شاء الله و تلقى الزين و النظيف ….. بس دورلك واحد ابيض و عليه كت كامل كاربون فايبر …. يويل حالي …. لو اروم ارد ريوس و أرد عزابي … جان بتحصله واقف جدام البيت ….. بس وين يحسره لي يعرس هالايام ما يدورله الا ستيشن ولا نيسان ههههههههههه
بالتوفيق شيخي
موفق بإذن الله … لك مني أجمل تحية .
والله الموتر من اروع المواتر السبورت شكل وصوت وبيطيح من عينك الزد عقب ماتسوقه وهي صح ضيجه
بس دامك هب معرس ماشي خلاف ان شاء الله انا ماقد سمعت عن حد يتشكى منه من ناحيه اعطال
وانا اقولك جيكه برع الوكاله عندك في بوظبي كراج المراغي وعندك كراج الصايغ تجيكاتهم ماعليها كلام .
وتقريبا بيكون ارخص عن الوكاله وان بغيت في العين عندك الهيثم حتى الشيوخ يصلحون عنده مواترهم.
وبتلقاهم هناك وان شفت قطع الغيار عندهم غاليه شوفلك برع واعتقد بتلقاهن في الشارجه برخص في شارع
بي ام . وبخصوص الشكل بيتغير في هالصيف على موديل 2012 تغير فيس لفت والتغيرات بتشمل الداخليه .
والاصطاب والوييه بس ما أقدر افتيلك اذا بتقدر تغير الفيس لفت ولالا لانهم حاليا يغيرون اللليتات الخلفيه القصه
والشكل وصعب تسوي له فيس لفت . الخليجي سعره مبالغ فيه ايييك على الزيرو على 400 وشويه والامريكي
موديل 2011 سعره مابين 255-290 وشوف الفرق انته الخيالي بينهم اذا انته تباه وهب مستعيل تريا لين الصيف
وخذ لك 2012 الشكل اليديد وارد وترى اغلبهن وارد اللي في الشوارع وكده كد مابيردك واذا مستعيل الله يعينك
بتاخذه غالي ومايستاهل سعره وارد ولا خليجي وشكله بيتغير مابيواحيلك.