السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
بالاول احب اهنيكم بمناسبة عيد الفطر
ثانيا ندخل بالموضوع دايركت اليوم الصبح ياني اتصال من رقم غريب من الاتصالات فرديت عليه لاني كنت اتحرى انه المندوب اللي يوصل الاغراض اللي طلبتها المهم جان يرمسني واحد هندي يقولي تعرفين ترمسين هندي قلت له لا يانجليزي ياعربي فحولني لربيعه الهندي اللي يرمس عربي مكسر المهم
قالي مبروك انتي ربحتي 200000 درهم من سحب الاتصالات طبعا اول شي خطر في بالي
معقوله الاتصالات موظفه ناس ماترمس عربي ولا انجليزي!!!
معقولة متصلين من موبايل!!!
طبعا ماصدقت بس قلت اشوف لوين بيوصلون بالخرط
قلته طيب شو المطلوب مني؟؟
رد قالي صورة الجواز والاسم واني اقابلة ببنك دبي الاسلامي عشان يصرفون لي الشيك!!!! لا وكمل الخرط بانه عطاني رقم الشيك!!!!خخخخخخخخ المهم قلتله دبي بعيده مايستوي عيمان؟؟؟ قالي امبلا فسالته يعني ايي البنك ومعاي الجواز بس!!
قالي لا<<<<بدينا النصب الحين
قالي لازم تشترين بطايق اتصالات بقيمه 1000درهم عشان المعاملات وجي
جان اقوله اوكي بكون هناك عالساعة 2الظهر اترياني <<<<خليه ينقع
المهم قلت ببلغ على الرقم للاتصالات اتصلت ورد علي واحد قلت له شو صار قالي اتصلي عالشرطة هم يتصرفون<<<يعني مافادني بشي!!
المطلوب لو حد ياله هالاتصال يحذر منه ولو حد يقدر يبلغ عليهم يكون زين لاني الصراحة ماعرف وين اتصل وكيف وعالعموم بحط رقمهم يمكن يوصل لحد باذن الله ويمسكونهم
0509703342
والسموحة عالاطاله
تسلموووون لكل اللي مرووووا
انا حبيت احذركم والباقي عليكم
لاني الصراحة ماعرفت كيف اتصرف واخاف اتصل للشرطة هههههههه <<<<بعدها ياهل
لااله الا الله
وان شالله حد يوقفهم عند حدهم ويتسفروووون للمريخ ابرك بعد
حسبي الله عليهم نصابييييييين
الاتصالات مزود خدمه الشرطه في صاحبة الاختصاص وفض المنزعات
ولخيبة شو هالوضع اللي وصلنا له
هذيل لازم يتعاقبون