صبحكم الله بالنوور و السروووووووور
عاد بخبركم السالفه
البارحه اول ما رديت من الدوام و الا اشوف واصلني بريد ..يلست اشوف الخرابيط اللي مطرشينهم
طبعا سخافات و دعايات و شفت ظرف مال امبر كارد مكتوب عليه شي جي مال ثمانين الف
ياني فضول قلت يلا بنشوف و فريته
تغديت و خلصت 
و عقب رديت افتح الظرف و اشوف اسمي بالكامل و صورة مزراتي و كاتبين 80 الف بالخط العريض
جان يغمى عليه …قلت ياج الحظ يا دبي بيبي
و اخيرا الاحلام تتحقق
و من الفرحه اقرا بسرعه و خرابيط و اللي فهمته ان المزراتي اروم اخذها ب 80 الف و العرض لين 30 مايو
و اطر السكه اسير الصاله اللي فوق و اشوف العائله الكريمه مجتمعه 
و اقولهم مزررررررررررررررررررررررااااااااااااااااااااااااتي ب 80 الف و يستانس ابويه و يقول بناخذلج اياها بس انتي متأكده و اقول هيييييييييييييييييييييه بس انا ابا بنتلي << طرار و يتشرط ههههههههه
جان يقولولي سيري اتصلي تأكدي لان هالوكاله ما يظهر منها شي فغريبه يعني هالموضوع؟
سرت وحليلي و اتصلت بالوكاله ..قالولي
قالولي
قالووووووووووووولي
اشتري المزراتي بخمسمية الف و شي
جان اقول شو تستهبلون
قالو و بنعطيج مميزات ب 80 الف من تأمين و صيانه و خرابيط
قتلهم الله يلقعكم و سكرت 
و تلحفت و رقدت 
هع هع هع
و هاي سالفة المزراتي يطولي بعماركم
و ظهرت الاحلام ما تتحقق و لا شي
و يوم خبرت ربيعتي قالت لي انتي في حياتج فزتي بشي ؟ قتلها لا قالت عيل صكي الدعنه بس قوم رفيق اللي يفوزون
و صدق نحن لو حتى نشارك في شي مب بس بطايقنا منحوسه ..الا ينحسن البطايق اللي حواليهم كلهم لوووووووووول
و هال السالفه يطولي بعماركم
الظاهر إنهم قروا سالفتج ويا الرقاد و النشه الصبح،
فبغوا يسوون فيج خير و يرقدونج من وقت.
ذكرتيني بالوالده
متشريه من اللولو سنتر ومسوين سحوبات وحاطين طراد عوووووووووود عند باب السنتر (الجائزة الكبرى )
متصلين فالوالده تعالي ربحتي جائزه من السنتر .
باب حجرتي انخشع من التدقديق
قوم .قوم .قوم . ربحت طراد .. انا ماسمعت كلمة ربحت اسمع تقول طراد
قلت معقوله طراد داش بيتنا ( وحليلي راقد )
بطلت الباب تسحبني من بجامتي قوم ودني ربحت طراد .وين ياميييييييييييييييي ربحتيه قالت فاللولو سنتر وعاد انا خاطف على هالسنتر وشايف الطراد ( عود وشكبره )
بسرعه بسرعه غسلت ويهي ولبست كندورتي وسرت بركب السياره شفت الوالده راكبه قبلي ههههههه
ركبت السياره قلتلها امي الي يشوفج يقول بتدخلين البحر باجر
المهم وصلنا اللولو سنتر . اقول حق الوالده وين الطراد ماشوفه .. تقولي اكيد نزلوه ويجهزونه عشان نستلمه المهم بعدني مابركنت السياره الوالده نازله من السياره ( لاحول الله )
المهم بركنت السياره ونزلت تعالو ياجماعه ربحنا طراد ربحنا الجائزه .
قالي السوبر فايزر اي طراد الطراد ربحه واحد هندي . جان اقولهم عيل شوربحنا احنا .
سار ورد وياب كرتونين (استكانات الشاي) . تدرون شو الي بط جبدي ان الوالده استانست على الستكانات اكثر من الطراد !!!!!
مبروك ..
وليش لا ..إن شاء الله المزراتي والمايباخ بعد ..
بتربحيهم بتعبك وبفلوسك الحلال ..
مبروك اختي
اهم شيء عشتي لحظات من السعاده ماراح تنعاد
مبروووووووووووك
هههههههههههههههههههه
اهم شي عرفتي انها ما تتحقق