رجاء خاص ابا نصيحتكم يا اخواني

28 thoughts on “رجاء خاص ابا نصيحتكم يا اخواني”

1. لا حول و لا قوة إلا بالله ،، و الله حاله يكسر الخاطر و يعور القلب ،، أصعب شي في الدنيا انكسار الرجل أمام زوجته و أهل بيته ،، ،،

   الله يهديه و يرده لأهله و عياله ،، و من رأيي بداية طريق العلاج في إيده هو ،، و في إيد زوجته في المرتبة الثانية ،،

   يزاج الله خير الغالية على حرصج على مصلحة أخواتج في الله ،،

   أخوية الأريحي : شكـــراً لكـ ،، و باركـ الله فيكـ على الكلام الطيب ،،

2. يزاااااااااااااكم الله خير
   اانا بحاول قد مااقدرر
   اني انصح زوجته تبعده عن جو اخوانه الهمج
   ولله يساعدهاعليه ويساعده على ما ابتلاه

3. الله يكثر من امثالج اختي
   علاجه مب بيده لانه مب حاس انتي ركزي عالزوجة تهيء جو البيت له هالحالات هروب من الواقع

   وتركز عليه لمن يكون بوعيه اما اذا سكر لاحياة لمن تنادي

   ترك الشرب اسهل عن المدواخ وهالسوالف الثانية ترا هو بحاجة شخص مب شرط رجل

   زوجته تقدر تساعدة تكوووووون حنونة جدا معاه وتعامله معاملة خاصة وماتذمر منه

   وتبعد عنه الامور اللي يهرب منها للخمر

   مع الدعاء له بالشفاء والمستشفى بروحه ماينفع لازم وقفة الزوجة او اي احد مايقسى عليه

   تعاوني انتي ورفيجتج الرجال مايعرفون الا لغة الضرب وخلي اخوانه بعيد

   مرت علينا نفس الحال وتشافت تماما اهم شي تكون نفسياته حلوه

4. زين اختي انا بقول كم كلمة من عندي مجرد اقتراحات لكن ما ادري اذا بتنفع او لا مع هالشخص

   الانسان مهما عمل من الذنوب والكبائر صدقيني بالنهايه هو انسان وعنده فطره وعنده مشاعر وعنده حب

   هالمشاكل ممكن تتعالج بأسلوب احسن من الضرب .. يعني الي يسوونه فيه اخوانه الحين من ضرب يحسبون انهم بيحلون المشكله ؟

   لا والله بالعكس يزيدون الشيء صعوبه في ايجاد الحل

   لان مثل ماهي فطرة الانسان طيبه .. نفس الشيء الانسان عنده نوع من العناد

   وبيعاند .. مهما ضربوه بيعاند .. وبيرد يسوي نفس الشيء

   اقتراحي هو ان زوجته تحاول اقناعه .. يعني مب معقوله طول اليوم سكران اكيد وقت يكون سكران ووقت صاحي وندمان .. الزوجه لها تأثير على زوجها بشكل كبير .. مب الزوجه بس ممكن اي حد قريب منه ( بس قريب بمعنى الكلمه … صديقه مثلا ) يعني قريب من قلبه .. او ولده

   يكلمه في الوقت الي يكون فيه صاحي

   يكلمه بصدق .. يكلمه بأحاسيس .. يكلمه ويحسسه انه بحاجه له .. يقنعه

   وبنفس الوقت يحاول يبعده

   صح الي بيقنعه بيتعب بالبدايه ولازم يقضي من وقته جنبه .. بس بالنهايه بيرجع لطريق الحق

   بعطيج قصة صغيره صارت لواحد من ربعنا

   (( كان يتناول مادة مخدره .. بس لها وقت .. يعني في الاسبوع مره كان يواظب على تناول المادة مع اصحابه وربعه .. حاولنا احنا نبعده ما قدرنا .. نقنعه .. نحس انه يتجاوب معنا .. بس لاننا ما نقدم له الشيء الكثير يوقف اسبوع اسبوعين ويرد لنفس الشيء .. اخر شيء واحد من ربعنا قال انا يسمع كلامي زين وصاحبي من زمان .. بقدم له وقتي .. وببعده .. كانت عنده عزيمه على انه يبعده وتحدانا رغم انه جاء لنا يأس تام .. عارفه شو سوى ؟
   كان كل يوم جمعه يتصل فيه .. ويروح له قبل لا ينزل عند الجماعه عشان يتناولون المادة بساعه .. يأخذه معاه .. يقوله ابيك بمشوار ضروري .. يأخذه مشاوير طويله عشان ينسى اصحابه .. يتكلم معاه .. ينسيه اصحابه .. يعرفه اضرار المادة .. يضحك يتسلى .. يتعشى .. يصطاد .. ينزل البحر .. يتسبح .. المهم يضيع وقته .. ويردون بعد ما يروحون اصحابه من مكان تناولهم المادة المخدره .. على هالفترة استمر .. وتابعه .. كان متابع له .. حتى الصلاة صار يمر له يأخذه يصلي معاه .. ويرده .. الحين لو تشوفين حاله ما تصدقين .. هو نفسه الي نصحه وابعده عن المادة .. قال له شو رايك نروح نتناول المادة ؟ ( كان بيمتحنه ) رد عليه قال بعد هالراحه الي عشتها سنتين وانا مبتعد عنها ؟ مستحيل

   قال اول ما قال كذا حضنته وبكيت

   حتى احنا فرحنا به .. ما صدقنا

   لكن الحمدلله تغير حاله 100000%

   لازم تحاولون تبعدونه عن الاشياء الي يقربها

   بالتدريج

   ولا تيأسوا

   لان واحد يشرب الخمر مب معقوله طول عمره وطول يومه سكران

   وبنفس الوقت مستحيل يتجاوب مع العلاج اياً كان طريقته بسرعه وفي ايام

   لازم بالتدريج

   ومثل ما أدمن الخمر بالتدريج بيبتعد عنها بالتدريج

5. حراام ياريتني ماقريت

Comments are closed.