رحلة البحث عن الكرك
مرحبا صبايا و شباب
صبحكم الله بالنووور و السروووور
بخبركم اليوم عن رحلة البحث عن الكرك…من فتره و انا اسمع عن خاااااااااااان اللي في الراشديه << راع الكرك
و انا اقووول لا قحط شو بعد ها << مب معترفه فيه ..انا خبيرة الكرك اعرف كل اماكن الكرك الزعيمه ..و خان مب في اللسته ..الموهيم في زياره لبيت يدوووتي يبنا طاري خان هذا اللي يقولوبه
و جان تخبرني يدووتي عن سالفه تاريخيه عن خان راع الكرك و سولفنا …و سألت عن مكانه و نعتتني خالتي بمكانه
ظهرت عنهم فليل قلت حق ربيعتي تعالي نطالع ها وين مكانه…و حطنا يمكن ربع ساعه ما لقيناه..قلت الحين ظلام و ما يبين شي بنرد يوم ثاني
و عقب يومين العصر عزمنا انا و ربيعتي و قلنا يلا نسير رحلة البحث عن خان
و سرنا الراشديه << منطقه في دبي للي ما يعرفونها..و نحووووووص و نحووووووووص على النعت و لا لقيناه!!
حصلنا هندي يتمشى في الشارع قلناله : رفيق وين خااااان؟؟ قال مافي معلووووووم
و ردينا نحوووط و حصلنا بتاني و قلناله : رفيق وين خااااااان؟؟ نعتنا بمكانه تقريبا…قلنا اوووكي
سرنا و ردينا نحوووووص و نحوووووووص و ظهرنا من الراشديه و ردينا ..حشى مب كرك؟؟
الموهيم حصلنا محل تمديدات صحيه و وقفنا زقرنا عليه و يانا الهندي قلناله: رفيق وين خاااااااان؟؟
قال سير مناك في حلاق مال حرمه..عداله!! << لوول يعني صالون ههههههههههها
الموهيم سرنا و حصلنا حلاق مال حرمه و عداله مغسله و دكان بس لا دلاله على خان!!
لحووووووول و ردينا نحوص و نحووووووووص و عدى علينا المغرب..و نحن نتالي في الشوارع
اخر شي لقينا عمارنا جدام بيت ربيعتنااااااااا…قلنا دامنه بيت ربيعتنا هنيه معناته اكيد هي تعرف مكانه
اتصلنا لها و من حسن حظنا لقيناها…قلنالها: رفيق وين خااااااان؟؟ << لووول لا ما قلنا جيه ههههههه
تمت ويايه على الخط و ردينا عن حلاق مال حرمه على قولة راع التمديدات الصحيه..قتلها مب هنيه نحن من مساعه نحوووووووط قالت لا هو موجود في السكه..قتلها مشكوووره و يزاج الله خير و سكرت عنها
الموهيم وقفت هناك و لقيت ايراني يخبز رقاق و حاله..سويتله هرن جان ايي و قال: شييينوو تبي؟؟
قتله شو في السكه؟؟ قال : في كرك..قتله انزين قوووله اييب 2 كرك..قال اووكي
و يانا الرفيق و ياب الكرك
بس عاد السكه..ما عليها كلام و هذي صوره توضيحيه لووول
لاحظو القطوه خخخخخخخ
مادري نحن شقا عشنا عقب ما شربنا الكرك ماله لووول
و هاي صورة كوبي..ربيعتي من الحماس مب طايعه تصور كوبها يالسه تتمزمز من هاك الكرك الغاوي لووول
و خلص بترولنا في سبيل الكرك العجيب هذا
و هاي كانت رحلتنا في البحث عن خان و الكرك اللي يقولوبه ..بس ظهر فنان..لكن السكه مقززه ههههههه
و ان شاء الله عيبتكم رحلتنا الجميله لوول
جــان ســألتيــني !!
بالعافيــه عليــج
أحــب الكــرك وايــد !! لــكن ما أشــربه إلا في
البــيت !!إيــديها ســحريه هالبشــكاره مــاشاء الله
ما شاء الله عليج يا دبي بيي قلبج قوي أكييييد شاربه ماوتن دوو ؟؟
وين تحاوطين في هالسكيك ؟؟
يا خوفي نقرا عنج في خبر عاجل
واااااااابووك .. و بترولها شويه و يخلص
اماااايه .. لو انا ساير ذاك الصوب بتحصلين بترولي فول وعندي دبتين بترول احتياط
لوووووووووووووول
سرد جميل ورائع كالعاده .. والــــــى الامام دائماً << مالت استاذ العربي
كرك خان كان زمان مات خان وراح الكرك ماله
والحينه كرك تقليد
يمكن كان أغلى كرك في الامارات على زمان خان
الله يرحمك يا خان
الكرك اللي يعجبني الحينه مطعم في الخوانيج على الدوار اظني اسمه محلي
وكرك الأميرات الثلاث عند مستشفى الأمل للمجنانين الله يعافينا ويعافيكم من الجنون خخخخ
رفيق تعال باني كم دود زيادة ههههههههههه
اذا هذا الكرك سهرج لين 3:23 فليل وفيج حيل تكتبين الموضوع بها الطول وبها التفاصيل اكيد بيكون عجيب.
هذا عنده كرك عجيب وموقعه بعد عجيب اسم على مسمى مجابل المطعم الربع الخالي وشي ند صغير