رحلة البحث عن الكرك
مرحبا صبايا و شباب
صبحكم الله بالنووور و السروووور
بخبركم اليوم عن رحلة البحث عن الكرك…من فتره و انا اسمع عن خاااااااااااان اللي في الراشديه << راع الكرك
و انا اقووول لا قحط شو بعد ها << مب معترفه فيه ..انا خبيرة الكرك اعرف كل اماكن الكرك الزعيمه ..و خان مب في اللسته ..الموهيم في زياره لبيت يدوووتي يبنا طاري خان هذا اللي يقولوبه
و جان تخبرني يدووتي عن سالفه تاريخيه عن خان راع الكرك و سولفنا …و سألت عن مكانه و نعتتني خالتي بمكانه
ظهرت عنهم فليل قلت حق ربيعتي تعالي نطالع ها وين مكانه…و حطنا يمكن ربع ساعه ما لقيناه..قلت الحين ظلام و ما يبين شي بنرد يوم ثاني
و عقب يومين العصر عزمنا انا و ربيعتي و قلنا يلا نسير رحلة البحث عن خان
و سرنا الراشديه << منطقه في دبي للي ما يعرفونها..و نحووووووص و نحووووووووص على النعت و لا لقيناه!!
حصلنا هندي يتمشى في الشارع قلناله : رفيق وين خااااان؟؟ قال مافي معلووووووم
و ردينا نحوووط و حصلنا بتاني و قلناله : رفيق وين خااااااان؟؟ نعتنا بمكانه تقريبا…قلنا اوووكي
سرنا و ردينا نحوووووص و نحوووووووص و ظهرنا من الراشديه و ردينا ..حشى مب كرك؟؟
الموهيم حصلنا محل تمديدات صحيه و وقفنا زقرنا عليه و يانا الهندي قلناله: رفيق وين خاااااااان؟؟
قال سير مناك في حلاق مال حرمه..عداله!! << لوول يعني صالون ههههههههههها
الموهيم سرنا و حصلنا حلاق مال حرمه و عداله مغسله و دكان بس لا دلاله على خان!!
لحووووووول و ردينا نحوص و نحووووووووص و عدى علينا المغرب..و نحن نتالي في الشوارع
اخر شي لقينا عمارنا جدام بيت ربيعتنااااااااا…قلنا دامنه بيت ربيعتنا هنيه معناته اكيد هي تعرف مكانه
اتصلنا لها و من حسن حظنا لقيناها…قلنالها: رفيق وين خااااااان؟؟ << لووول لا ما قلنا جيه ههههههه
تمت ويايه على الخط و ردينا عن حلاق مال حرمه على قولة راع التمديدات الصحيه..قتلها مب هنيه نحن من مساعه نحوووووووط قالت لا هو موجود في السكه..قتلها مشكوووره و يزاج الله خير و سكرت عنها
الموهيم وقفت هناك و لقيت ايراني يخبز رقاق و حاله..سويتله هرن جان ايي و قال: شييينوو تبي؟؟
قتله شو في السكه؟؟ قال : في كرك..قتله انزين قوووله اييب 2 كرك..قال اووكي
و يانا الرفيق و ياب الكرك
بس عاد السكه..ما عليها كلام و هذي صوره توضيحيه لووول
لاحظو القطوه خخخخخخخ
مادري نحن شقا عشنا عقب ما شربنا الكرك ماله لووول
و هاي صورة كوبي..ربيعتي من الحماس مب طايعه تصور كوبها يالسه تتمزمز من هاك الكرك الغاوي لووول
و خلص بترولنا في سبيل الكرك العجيب هذا
و هاي كانت رحلتنا في البحث عن خان و الكرك اللي يقولوبه ..بس ظهر فنان..لكن السكه مقززه ههههههه
و ان شاء الله عيبتكم رحلتنا الجميله لوول
عجييييييييييييب هذا الكرك طرررررررررررررر
المهم خبرينا وين مكانه بالضبط نحن ندل الراشديه سكه سكه
دبي بيبي لا تتأخرين علينا
وشكله يوم من الايام بيسوون شركه للكرك
وبيدخلونها سوق دبي المالي
مره نازل
ومره صاعد
وبينافس اعمااااااااااار
سأعوووووووووووووووووووووود
تسلم ايدين عيال خان لووول
و خان الله يرحمه بنسير نتصدق عنه حليله راع الكرك الاولي
__________________
اهم مكان في الشارجه الثميد
و شي عجيب يصير في الشارجه ياخي فعلا يعني شي عجيب
الشباب يودرون الباركنات و يوقفون عرض في الشارع ..لا و الدوريه وياهم بعد يطلبون كرك
و الباركناااااااااات فااااااااضيه و سلم على الشارع!!
__________________