السلام عليكم
اخواني هالفكرة في راسي من شهرين و انا عن نفسي راسلت شركة بوفاتي للسيارات عن هالفكرة بس للحين مافي اي رد من صوبهم
الفكرة هي انه انا و شخص مرافق نقوم برحلة بالسيارة حول العالم باسم دولة الامارات العربية المتحده
بس الرحلة و المغامرة هذه تكون فريده بانه السيارة تكون افخم و اغلى سيارة في العالم و نفس ما قلت اني بعثت ايميل لشركة بوقاتي و ما ردوا علي
او انه مجموعه شباب في سيارات فخمه بحيث سعر السيارات كلها فوق المليون دولار و بهالطريقه بدخل موسوعه جينيس للارقام القياسيه و منها نكون او اماراتيين في مثل هالرحلة الفريده و اللي طبعا واثق انها راح تكون بداية تاريخيه
انا اول شي حاب استغل فرصه سباقات الفورملا في الدوله الشهر الياي لانها بتكون دعاية قوية لهالرحله و ثاني شي انه محمد بن سليم ابن الدوله في اتحاد سباقات السيارات و هالشيئين اكبر دافع و حافز لنا لهالفكرة
طبعا راح يكون هناك برنامج و تخطيط لهالفكرة و في ممولين من و خارج الدوله و رعاة
انا ارحب باي شخص يدعم هالفكرة و يشارك فيها و يقدر يعطي كلمه او غكرة فيها و انا مستعد اقابل و اقعد مع اي شخص حابب هالفكرة و يقدر يطبقها معاي على ارض الواقع
و انشاء الله الفكرة ناجحة
خويكم مروان البلوشي
بعدين ياخويه الحمد لله سمعة البلاد معروفه والرحله مابتزيدها شي
لو كنت بتسوي مشروع او انجاز علمي او صناعي بنقول اوكي بس الا هي رحله
بيرمسون يوم في الجرايد وباجر بينسون
بتحصل الانجليزي يقرا في الجريده: first trip around the world with luxury cars by UAE locals مثلا
شو بيكون ردة فعله غير انه بيقول: So what ؟
بيتغير شي في العالم يعني؟
هل انت كلمت ادنوك ووكالات السيارات عسب تكون ضامن انهم يمولونك؟
وانت تراك ترمس عن سيارات فخمه شرات مايباخ وفانتوم وبوقاتي و Slr و … الخ
وانت متأكد ان الراعي بيتكفل بكل شي؟
يعني الراعي لازم يتكفل بالسيارات + التأمين عليهم وعليكم (انت والقروب) + قطع غيار السيارات وشحنهم للدوله اللي انتو فيها اذا ماكانت القطع متوفره هناك + … الخ
التكاليف تتعدى 15 مليون دولار
انت تشوف الجانب الفقير مع هالدول مع انه للعلم فيها ناس اغنيا و فيها قطع غيار و فيها ناس بسيارات فخمه
خلنا نقول دول اسيا فقيرة بس تعال للسلطان بروناي مثلا كل يوم سيارة يديده و من افخم السيارات يعني ها دليل انه كلامك مش صحيح 100 بال100 انا الدعم اللي اتكلم عنه مش ماده ياخوان الدعم اللي اتكلم عنه تخطيط و تفكير و نستغل الفرص اللي عندنا و نحتك مع اصحاب الخبرة اللي بيكونون في البلاد في حلبة السباق و الفورملا
و صدقوني لو هالفكرة توصل لهم هم من نفسهم بيسوونها لانه يعرفون مكسبها الايجابي مش المادي
اخوي لو على الشوارع بالعكس ها يكون حافز لك انه انت و السيارة تقدرون تمرون في دول و شوارع دول و تتغلبون عليها
تدرين انا كنت مستعد اسوق بالسيارة في شارع ترابي انت تقولي شوارع متكسرة ههههههههههههههههه
طالعوا الجانب الايجابي المشرق لمسعه البلاد و سمعة اهل البلاد المكسب اكبر من قعدة عند الاهل و شوارع محفرة و بترول سيارة صدقوني ندخل فيها التاريخ و يمكن هالفكرة راح تكون مونديال عالمي للسيارات و تكون مسابقة عالميه
و طبعا راح يكون فيها تغطية اعلاميه عالميه
صدقوني المكسب اكبر من الماده و السيارات و المغامرة نفسها
بس يخوي الفكره صعبه لسبب بسيط
هو ان سالفة رحله حول العالم معناتها مغامره؟؟ والمغامره مايبالها سيارات فخمه لانك انت بتسير دول كثيره واكثرها دول فقيره ومافيها قطع غيار للسارات الغاليه وبتتعب وايد صدقني بدال ماتكون مغامره بتكون تعب عمرك
هذا غير الدول الي مافيها طرق معبده بعدين السيارات الغاليه معروف عنها ماتتحمل هالسوالف وحرارتها على طول ترتفع ناهيك عن صرفيتها وعن خراباتها لانها سيارات حساسه ولازم بترولها بعد يكون من نوع خاص واكثر الدول الي بتروحها دول هالنوع من الخدمات فيها شبه معدومه وانت تعرف ان اكثر دول العالم هي الدول الفقيره اسيا الاكبر طبعا وافريقيا وامريكا الجنوبيه و غيرها
انظر للموضوع من كل النواحي لاني من خلال كلامك شفت انك نظرت للموضوع من نظره وحده وهي الشهره او الوصول لموسوعة جنينس او جنز مادري كيف يكتبونها
الموضوع مش موضوع امكانيات وبس اوكي افرض الشركه وافقت ؟؟ وبعين ؟ منو بيدبر لك فلوس البترول؟
فلنفرض انك بعد دبرت فلوس الرحله كلها ..!!
كيف بتسير دول العالم بسياره صالون؟
واكثر الرحاله والمغامرين الي راحوا رحلات حول العالم كانوا جروب كبير مكون من سيارات دفع رباعي عاديه وناس عندهم خبره في كل شي يعني مهندسين وناس لهم سوابق في الغامرات مش من قال بسوي مغامره خلاص نجح!!
انت بتلف دول العالم تعرف شو يعني ؟
الحين قم وياي وخلنا نصلي المغرب والله كريم ^^
لوقلت بسيارات فخمه في الامارات و الجزيره العربيه مثلا الموضوع حلو وبتلقى وايدين من المنتدى بيوافقون وحتى كثير من الشركات بتوافق بس حول العالم ؟؟؟ حامضه شويتين