** رحلة حول العالم بافخم سيارة ** فكرة مغامرة باسم دولة الامارات – ادخل و شارك **

29 thoughts on “** رحلة حول العالم بافخم سيارة ** فكرة مغامرة باسم دولة الامارات – ادخل و شارك **”

1. اشكرك حبيبي هالكلام اللي كنت انتظره منكم
   اللي قلته ماعتبره نقد بالعكس دافع حلوو كلامك بكتبه و نفس ما قلت هالشي طبعا راح انسق فيه مع دائرة السياحه
   افكاركم و كلامكم اللي تقولينه اخذه بايجابيه و مصلحه
   و اعتقد لو تقرون كل كلامي و مشاركاتي اعتقد فيها الاجوبه الوافيه

2. يوم بيكون محمد بن سليم او واحد من ابطال الدوله هو راعي الفكره بينفذها بسهوله

   ياخوي انته شو مؤهلاتك ؟ ؟ ؟ ؟ لغتك ؟ تعليمك ؟ ؟ خبراتك في القيادة وخبراتك الميكانيكيه ؟ ؟ ؟

   شو اهدافك ؟ ؟ ؟ تدعم اسم الدوله اللي مش ناقص دعم ماشالله ؟ (اوكي خبرني انته في شو دعمت الدوله من قبل ؟ وبشو مستعد تدعمها بغير ذهابك في الرحله ؟ ؟ ؟ ماديا طبعا ولا ناوي بس تروح حق الوناسه والفرفشه ؟ )

   شو معلوماتك عن الرحله ؟ ؟ ؟ ؟ البلدان اللي بتمر فيها 1 2 3
   ثقافات الناس ومستوى الامان ؟ ؟

   الحين وانت تقرأ ردي هل قادر تلخص احتياجات الرحله ؟ ؟ ماديا ومعنويا

   هل تقدر تحدد برنامج للرحله غير خط السير ؟ ؟ ؟ ولا ناوي تمر في البلدان والكل يترياك في الشوارع وانته تلوح لهم بعلامة النصر ؟ ؟

   مافي شي تعريفي عن الإمارات ؟ ؟

   حاول تسوي دراسه على ورق او ترتبها ببرنامج باوربوينت وتعرض في الدراسه كل سؤال ممكن ينطرح عن المشروع

   ومن ناحية كلامك …… ما قدمت فيه اي تضحية او بذل لخدمة الدوله لحد الآن

3. و لو عن اصحاب الخبرة تراني بتواصل معاهم في مهرجان الفورملا و قبل لا نبتدي فعليا في المغامرة طبعا راح نسافر و نكتسب خبرة في السيارة نفسها من المصنع علشان ما نعتمد في كل شي على قطع الغيار متوفرة او لا و تصليحها بروحنا نصلح اشيا بسيطه من نفسنا
   و نقابل مع اصحاب خبرة و مغامرات و نتعلم منهم من تجاربهم
   الموظوع مش تعال شغل السيارة و سوقها لا طبعا الموظوع فيه سمعة دوله و فيه سمعه اللي مشاركين فيها كلهم من رعاة و ممولين و ناس تنتظر النجاح لهذا المشروع

4. والله يا اخوي راشد انا ما بقولك لا بالعكس بقولك موافق بس بعد يوم بسوي هالشي ابغي اكون مميز في اللي بسويه
   لو عدة سيارات حلو بنكون قروب بس بعد انه مجموع السيارات مثل ما قلت ما يقل عن المليون دولار علشان الفكرة تكون مميزة لانه لو ما بتكون مميز محد بيهتم ولا بيدعم الفكرة فهمت قصدي
   انا لما عنيث هالسيارات الفخمه ها تحدي للمصنع و تحدي لتاريخ هالسيارات الكبير و هالشي مميز
   و بهالطريقه الاعلان و الدعاية بيلعب دور في انه بيجذب لي رعاة و ممولين يحبون التحدي و بيدخلون في هالمغامرة

   صدقنيي ارمس عن هالشي مع ربعك و خل هالموظوع حديث الناس بتشوف رد الفعل الايجابي
   و قول لاي حد مغامرة بالمايباخ او البتلي ولا بورش و اسمع جوابه

5. الحينه الايكيا فيها نفقيشن تقولي بتظيع و شو يستوي بك الله يهديك بس
   بس علشان تعرف انه اللي يرمس ما عنده خلفيه عن الموظوع
   السيارة راح تكون فيها اتصال مع المصنع و الوكيل و الشرطه حول العالم في اي بلد عن طريق الاقمار الصناعية
   يعني الامور طيبه
   و ما بكون بروحي بيكون معاي مرافق او فريق من عدة اشخاص و نحن ما بنسير اي مكان مني و الطريق بنسير دول معينه و مناطق معينه لانه بيكون في خط سير للرحله مش معناة حول العالم يعني كل الدول دوله دوله لا طبعا

Comments are closed.