السلام عليكم ورحمة الله وبركاته

قررت في منتصف شهر 7 الذهاب لصلاله في شهر 8. وكان التجهيز لرحلة التخييم متعب قليلاً ولكنه ممتع.

تم تجميع عدد من صفوة الشباب للسفر ( وهذا اهم عنصر في نجاح الرحله)

أولاً: ذهبت لشراء الخيم من كارفور. عدد 3 خيم

خيمه لـ 8 اشخاص: للنوم والراحة.
خيمة لـ 6 اشخاص : احتياط.
خيمة لـ 4 اشخاص: للاغراض.
ثانياً: شراء مولد كهرباء generator يولد 1100 واط من كارفور ايضاّ.

وفرش سدو و رواق من محل الاخ بدر الامارات للرحلات. (بضاعه ممتازه) يشكر عليها
واغراض الطبخ.

في البداية وجدت معارضه من الكثير على رحلة التخييم ولكن رغبتي كانت قويه

هههه.

تحركنا بسيارتين من بوظبي الساعه 2.30 فجراً وصلنا أدم وقفنا في استراحه لمدة 5 ساعات تقريباً. ووصلنا صلاله في الليل (المفروض ندخلها في النهار).

يوم وصلنا صلاله شمّيت ريحة خيانه ( الشباب كانو يبون يحجزون في فندق) والحمدلله ما لقو, الفنادق فل.

وقفنا في مكان يخيمون فيه اهل صلاله ونصبنا خيم كارفور واترككم مع الصور.

قمنا الصبح ومرينا عالمزارع






جلسة جميله (خيّمنا في هذا المكان يوم واحد وذلك لكثرة البعوض في الجبل )

دعايه للاستيشن

الصور التاليه في وادي دربات وللأسف ماشي شلالات هذي السنه بس المكان يظل رووعه

دعايه ثانيه للاستيشن في وادي دربات

( الخيمه بو سته كل يوم كنا ننصبها ونفكها”عشان ما يزخوننا البلديه ” اوففف تعب )

اهم شي في الحياه ——> الماي

خذته من كارفور يشل 5 جالون, افكر ااخذ 4 منه للرحله القادمه (اذا الله احيانا)

احسن جلسه في العالم

خذنا طلي وسرنا منطقة قريب المغسيل, ذبحناه وسويناه مضبي





دعايه اخيره للاستيشن (الاخ مسوي موضوع دعايات )

وعدنا بحمد الله لديارنا سالمين

بصرااحه التخييم في صلاله اجمل بـ 100000000 مررره عن السكن في فندق ( طبعاً اذا كانت رحلة شباب)

وكانت من اجمل الرحلات في حياتي

اتمنى اني اكون توفقت في كتابة التقرير

2 thoughts on “رحلة صلاله , الطبيعه (رحلة تخييم) تقرير مصور”

  1. تقرير حلو

    بس لو تخبرنا كم يوم الرحله وكم كلفتكم

    هلا بو عايشه,

    الرحله كانت 7 ايام.

    والتكلفة كانت بسيطه يعني للأكل والبترول واغراض التخييم فقط

    يعني البترول للاستيشن من بوظبي لين صلاله بين 400 و 500 درهم .

    والاكل رخيص, الطلي خذناه بـ 30 ريال يعني اقل عن 300 درهم

    اي استفسار >> حاضرين

    تحياتي

Comments are closed.