رحلة صيد اعضاء المنتدى(صور)

12 thoughts on “رحلة صيد اعضاء المنتدى(صور)”

1. مرحبا الساع اخوي بو وديمه والله يجزيك
   الــــــــف خير,,,,, .

   هلابك يابوشيخه وفالك طيب يالغالي ,,,,,,, .

   اللهم آمـــــين يا one ويحفظ لج كل غالي ,,,,,, .

   تحياتي لكم

2. ما شاء الله عليكم ويعطيكم العافيه ومتي راح تطلعون مره ثانية لاني بخاويكم لا تنسوني

3. ماشالله عليكم الله يديم المعرفه والود والأخوة الى بينكم وانشاالله انه مايحرمكم من بعض شباب وماشاالله كل هاالصيد الحلو كان من ورا هذا اليخت العجيب الظاهر انه كان يشل وياه كل السمج الى فى طريجه وهو غاطس تحت الماى صراحه انتو فى هالطريقةشجعتونا ناخذلنا غطسه مع هاليخت العجيب والفريد من نوعه وفوق هذا كله انه يحصلى الشرف انى اتعرف على شباب امثالكم تجمعهم المودة والمحبة والأخوة فى الله الى نادر ماتحصل مثلها هاى الأيام واسأل لكم جميعا التوفيق والله يديمها عليكم نعمة

4. بسم االله الرحمن الرحيم

   مشكور اخوي صلاح وبيّض الله ويهك على الكلام اللي قلته وعز الله انك اخو وعزيز وغالي, طبعا في كل مره ما اقدر اجاريك على الكلام اللي قلته , وكل اللي اقدر اقوله ,,, عسى الله لايفرقنا ويديم علينا نعمة الاخوه ,,,, ويخليلك كل غالي على قلبك ولاتشوف مكروه فيهم….وأما بالنسبه للظيافه فهي اقل من حقكم وجمعتكم عندي ورحلتنا والله ثم والله لو اركض ليل ونهار حتى اوفي حقكم, بعده ماينقاس بالدرب اللي مسكتوه حتى تلبوا الدعوه واللي عندي تسوى الدنيا ومافيها……….

   اخوي بالوول مشكوووور على طلعتك معانا وتحاملك على الالم اللي تحس فيه بظهرك ومع مرض الحج اللي توك متشافي منه ,,, والطريق اللي مسكته من ام القوين لحد السلع وانت بروحك مامعك حد, بس حتى تكون معانا,, وعز الله انك غالي يامطوعنا وربي يحمي كل غالي على قلبك وماتشوف فيهم مكروه……

   اخوي بن منصور ما عندي شي اقوله لك الا شي واحد وهو ,,,,
   تسلم وبيض الله ويهك وعسى ربي يطول بعمرك وعمر غاليك ولاتشوف شر في كل من يعز عليك, ولا انسى فضلك من بعد فضل ربي في معرفتنا ببعض واللي لولاك ولولا هالمنتدى ماحد عرف الثاني فينا , واللي اتشرف بهالمعرفه اللي ترفع الراس…
   وكل اللي سويته لكم يابن منصور فهو قليل في حقكم,,,, واعتقد لو كان التجمع عند اي شخص من المجموعه انكان سوّى اكثر من اللي انا سويته
   بوايد,,, واختمها بالشكر لله على معرفتي بكم , والمعرفه اللي اتشرف بها ,,,,,,,,,,,
   تحياتي لكم

5. صراحه رحله ماتنسى ومن اروع الرحلات خاصه ان الاخوان كلهم موجودين ماغير بن مصبح الله يعينه على هالدوره وماقصر بو سيف يزاه الله خير على هاللمه وعلى هالاستقبال والضياافه

   وطبعا الرحله كانت اول يوم عندي مافيها صيد مع ان الجماعه يصيدون وانا فار خيطي وطالع بس والعالم تصيد ماعرف قراده ولا نحااسه ؟؟

   وثانيا ماطاعو يصورون بعض الناس يوم قرزواا وقلصتهم بالنيسان مالي :d

   ثالثا : هالمطوع الي معانا يوم يشوف صيد مايقول ماشاء الله تعرفون شو يقول ؟؟

   اوبببب اوب اوب .. وكل مانمر على محدق قال اما هنيه يصلح دوبايه اربعه متر ( ماعرف طبعا في هالاشياء)

   وهنيه ليخ 12عشر .. وهنااك قرقور مع خيشة عيش خخخخخخخ ( سوالف ياجماعه ) :d طبعاا يزاه الله خير هو الي كان يعطينا معنويه في الطرااد لانه كان الفاصل بين الفريقين الي هو فريق بو فيصل وفريق صلاح ومعروف ان فريق بو فيصل فااز في المسابقة بس ثاني يوم مب اول يوم وطبعا في ناس صادو كم ( خن ) الله يستر بس خخخخ

   وطبعاا ماننسى اخونا صلاح الي ساهم بشكل كبير باحضار الادوات الميكانيكية والثلج والثلاجات ومكينة الهواء وكل شي يخص البحر والبر يزاه الله خير ومن غير المساعدة والتكتيك في تنزيل الطراد من دون منزاال ومعروفن ان طراد بن غليطه ثقيل وسياره وحده ماتسحبه خاصه وانه 43 قدم

   وضحكة اخونا بو فيصل يوم يصيد سمكه وويه عمر واخوه معااذ ( الي يشوف ويهم يقول هذولا راقدين مايحدقون ) خخخ سوالف ياجماعه وطبعا ماننسى اخوونا احمد وعلى يزاهم الله خير على ترتيب الخيوط واحضاار الطعم وعلى السب المتبادل مابين احمد و بوفيصل كل سمكه تنصااد

   وفي الاخير حبيت اقول يزاك الله خير على هالرحله يابوسيف وبيض الله ويهك ماخليتنا نقصر من شي كل شي كان موجو من فرش ومن غطا الراس ومن ماي ومن طبخ كفيت ووفيت

   وان شاء الله تنعااد علينا في وقت قريب

   والسمووحه منكم ..

Comments are closed.