السلام عليكم ورحمة الله وبركاته
هذي بعض صور عن رحلة صيد في الربع الخالي في اجازة العيد .. ادري ان هالموضوع ماله شغل
في هالقسم ولكن حبيت اهدي هالصور لكل من يهوى الصيد البري ..
واخص بالذكر مشرفنا العزيز لأنه وعلى حسب علمي يهوى الصيد البري..
اثر الحباري بس ماحصلتها وخيرها بغيرها
منظر اعجبني وحبيت اني اصوره
هذي الصور كانت اول صيده للطير من بعد التعليم وكانت الفرحه عارمه .. عارمه ؟؟ مادري وين يت كلمة عارمه .. 
وهذي الصوره بعد الصيده الاولى
وهذي الصوره اول الصبح وكانت عباره عن ارنبين اثنى(إعدنه) و ذكر (خزز).
والسموحه منكم ..
تحياتي للجميع
مرحبا بو سيف والحمدلله على السلامه الجماعه كلهم قنيصه تسستاهلون والله 0 عقبال الحباره بشرط ما تودون طير بن منصور لأنه مايروم على الحمام كيف بيصيد حباره 0
مرحبا الساع بنوخذانا المهيري وربي يسلمك ,, ولو كان الزمن مثل اول انكان يبت معاي بعض الصيد ولاكن يا اخوي اليوم الصيد والطير استوى مثل المخدرات ربي يبعدنا عنها . ومثل ما اكلت الارانب ان شاءالله تاكل الحبارى….
مرحبا اخوي حميداني وربي يسلمك ويسلم لك غاليك وتشكر على المرور.
الحمدلله على سلامتك الكدن
الحمدلله على سلامتك الكدن
عسى الله يبتلنا شي وياك
خخخخخخخخخ
انا ااكل بس ارانب حبر ولا مره كلتهن
واسمحلنا على القصور
تسلم ياشاطي الراحه ولي الشرف طال عمرك في مخوتك ,, والكل يتمنى رجوع السنين اللي عدّن علينا يوم المقانيص مسموحه وشل طيرك وروح .. ولاكن انا والعوذبالله من كلمة انا ,, اتبع قولة الشاعر يوم قال:
( اقطف ثمر مالاق والعمر ملحوق ).
تحياتي لك