السلام عليكم ورحمة الله وبركاته
هذي بعض صور عن رحلة صيد في الربع الخالي في اجازة العيد .. ادري ان هالموضوع ماله شغل
في هالقسم ولكن حبيت اهدي هالصور لكل من يهوى الصيد البري ..
واخص بالذكر مشرفنا العزيز لأنه وعلى حسب علمي يهوى الصيد البري..
اثر الحباري بس ماحصلتها وخيرها بغيرها
منظر اعجبني وحبيت اني اصوره
هذي الصور كانت اول صيده للطير من بعد التعليم وكانت الفرحه عارمه .. عارمه ؟؟ مادري وين يت كلمة عارمه .. 
وهذي الصوره بعد الصيده الاولى
وهذي الصوره اول الصبح وكانت عباره عن ارنبين اثنى(إعدنه) و ذكر (خزز).
والسموحه منكم ..
تحياتي للجميع
ماكن فيه واحد فوق اول الصفحه يطنز على طيري ..؟؟؟
فديت خششششششششششمك والله
وانك راعيها وطيب اصل والله
وخذ راحتك متى ما تبي الحرب اعلنها قبل 3 ايام مثل ما قلت
اخوك
بومحمد
مرحبا الساع ببحر دلما وتراني عند وعدي يا اخوي ورقمك موجود عندي يابو محمد وبدايته 2200وفالك طيب بس انا مارحت البحر من فتره ومن نعزم فالاكيد بيكون عندك الخبر قبلها بثلاثة ايام ,,, اما طلعة البر فكانت ولله الحمد ممتازه وموفقه ,,,
وتسلم يابو محمد .
تحياتي لك
مرحبا بك يا اخوي الغالي الكدن
والله انك راعيها بصراحه راعي بحر وبر
واحلى شي لما تكون عندك خلفيه بكل اعلوم الدار
وبصراحه الطلعه كانت تغير جوو مع صيد ولا احلى
والبرد في البر يلعب الدور والنسيم الليل سلامي عليه
لكن يا الكدن وين الوعد بعدنا ننتظر ؟؟…
مرحبا الساع ومليار مايسد بمطوعنا ,,,,
وحج مبرور وسعي مشكور وذنب مغفور اللهم آمين.
وطير بن منصور مافيه حيله بس لاعت جبده من الحمام يبي ارنب والا حبارى.
نبي طلة بحر في الخمسين بإذن الله.
تحياتي لك