رحلة باليخت في خور وبحر دبي
يوم الاثنين 17 ديسمبر يوم قبل الوفوق بالعرفة
بعد ما عيبتنا الرحلة الاولى باليخت في المرة الماضية ( ) قررنا انسوي رحلة ثانية ولكن هالمرة بالنهار عشان نستمتع بالمناظر الحلوة لدبي.
بداية الفكرة كانت تنظيم احتفال عائلي للموظفين بمناسبة الاجازة ونهاية العام…وكان الاقتراح غداء في مكان ما..
وكان اقتراحي فورا وبدون تفكير..رحلة باليخت ولكن هالمرة بالنهار..كلهم اتحمسوا للفكرة وقالولي يلا احمد التنظيم عليك لوول…
وكان اقتراحي فورا وبدون تفكير..رحلة باليخت ولكن هالمرة بالنهار..كلهم اتحمسوا للفكرة وقالولي يلا احمد التنظيم عليك لوول…
وعلى طول دخلت على موقع “جوجل” وبحث عن يخت للايجار..حصلت الموقع واتصلت بهم وحجزت يختين لان عددنا كان كبير ورتبت الغداء..
سرت شريت كاميرا نيكون D40X ..بعد التجربة الفاشلة بكاميرا سوني في الرحلة السابقة…
التجمع والانطلاق كان من خور دبي..المفروض نطلع الساعه 12 ولكن مثل ما تعرفون مواعيد عرقوب في البلاد..12 يعني 1 لوول..
طراد مقلوب..الساعه 12..شوفوا الصورة تحت عقب ما بنرد ع الساعه 4…
بنوته كيوووت..
اليخت الاول ركبنا فيه العوايل…
اول شي قبل لا يتحركون لبسنا الصغارية “لايف جاكيت” لزوم السلامة…
اتحرك اليخت الاول..ونحن تمينا نتريا اليخت الثاني يوصل..اترينا ساعه بالضبط..
واحنا تنريا في اليخت واقف لنفس الشركة..مر الباص العجيب..كان فيه بنات لابسات شيل وعبي ..تمن يزاعقن ويأشرن علينا لووول..
واخيرا وصل اليخت…طلع شوي جديم مب نفس اللي في بالي..طبعا اليخت هذا كان بديل ليخت ثاني حجزته ولكن لان دخلوه صيانة وفرو لنا بديل..
غرفة النوم الرئيسية في اليخت..
غرفة ثانية..
خور دبي..مبسوط اويه؟
بعد 10 دقايق لوول..
مطعم بيت الوكيل..
منطقة محظورة بعد الخط الاحمر…منطقة مشاريع..
منظر لناطحات سحاب دبي..
منظر اخر..
برج العرب…
صورة متعوب عليها لووول
لا.. لا.. لا…قررت احترف التصوير خخخخ…
احلى صورة عندي..لنش..تمازج ما بين الماضي والحاضر….
تكملة الصور بالاسفل..
لا ما اشوفك..لازم توقع في دفتر الحضور خخخخخ…
اشكرك اخوي عوَّاد على تعليقك الظريف ومرورك الطيب…
المرور : تراني مريت على الموضوع >> تشوفني ..
؟
التعليق : صور رائعة من أنامل رائعة … مشكور أحمدووو وإن شاء الله على طول مستانس …
عـــــــــــــــــــــــــــــــــوَّاد
في وايد شركات في الميناء سياحي.
اللي تعاملت وياهم هذا موقعهم على النت…
Middle East Yacht Company
صراحة بتكون مكلفة لحفلة عيد ميلاد..اذا رحلة جماعية والكل يشارك بالتكلفة بتكون احلى..
اليخت 56″ (يشيل 18-20 شخص) 2000 درهم في الساعه واقل شي 3 ساعات للتأجير
“62 (يشيل 23 شخص تقريبا) 2200 درهم في الساعه واقل شي 3 ساعات للتأجير
طبعا الاكل غير..
يبدأ من 70 درهم لكل شخص الين 350 درهم..واذا ترومين اتيبين اكل روحج بيكون احسن..
لا تنسين تعزميني..اذا تبون مساعد كابتن خخخخخ…
الصراحة ولا أحلى
شوف أنا يوم ميلادي الاسبوع الياي ومقررة أكافئ نفسي وأهني روحي
عجبتني فكرة اليخت
ممكن التفاصيل .. يعني السعر والشركة والاتصال فيهم ؟؟
وتسلم