السلام عليكم جميعا
حبيت اشارك معكم اخوانى وخواتى رحلتى الى فرنسا الجميله واللى بالفعل يزداد جمالها فى عيونى سنه بعد سنه .
سبحان الله ،، اعطاهم الطبيعه والجو الرائع ( صيفهم بالذات والشتاء — ترانى اموووووت على شتاهم ))،،، الله يعوض علينا ان شاء الله فى الجنه . آمين
المهم الصور كثيره ويبالها طولة بال ،، فبغيت آخذ رايكم أول عن لا املل بكم تراها صور كثيرة .
وانا حاضرة ومن عيونى
اتريا ردكم .
عجيبة الصور
رقيص
بس باريس تتميز بحلاتها في الليل
موضوع راااااائع وصور روعه يالعامريه .. الصراحه ضحكتيني يوم قلتي عن القبر ههههههههه صدق نار هنيه ونار في الاخره
بس صدق تعب يوم ركبتوا فوق ؟؟ احس انه صدق تعب
المهم اكمل لكم باقى رحلتى لفرنس ،،اجمل وآامن مكان بالنسبة لى ،، حتى لو نصايف الليل تمشى ما حد يخصه فيك ،، الشرطه والامن بكل متر فى الشوارع لحماية السياح ،، وشعب مهذب واسلوبه حلو فى معاملة الجميع الصراحه .
المهم ،، lets start
هنى ترانا بالمركببعدنا ،، يمشى بنا فى نهر السين اللى يدور بالكامل فى باريس ،، الرحلة مدتها ساعتين ونص بس ولا تحس بالوقت من جمال المناظر وروعة الجو .
الاضائه اللى فى باريس فى الليل رهيبه ،، وهذا برج ايفيل الصراحه فى الليل اجمل منه بالنهار وخصوصا الساحه اللى حوله واللى بنشوف صورتها عقب انشالله .
يوم شفت تمثال الحريه هناك تفاجأت بس المرشد السياحى قال ان اصل تمثال الحريه مبنى فى فرنسا وهم بنوا بعد اللى موجود بامريكا ،، عنبوة الامريكان كل شى عندهم سارقينه ههههههههههههه
قوس النصر او برج الشانزليزيه ،، بس الله لا يرويكم كيف الطلع له ،، بغيت اصيح من ريولى (( ما شى لياقه )) ترى اذا تبغى تطلع فوق ها البرج لازم تطلع على سلم قدييييييييييم موجود داخل البرج ،، والسلم ملفوف وضيق ،، قالو لنا ان المحاربين كانوا يطلعون عليه وينزلونه فى اليوم اكثر من 4 مرات (( عنبوه نمل مب اوادم )) تقريبا تم طالع الدرج فيما يقارب ال 8 طوابق ،،، عثثثثثثثثثثثثره ،، والله انى يومين ادهن ريولى بفكس شرات العيايز واودنهم بماى حار خخخخخخخخخخخخخخخخخخخخخ ،، بس الرحله تستاهل الصراحه .
منظر للبرج من من الجوانب
هذا قبر فيتور هيجو (( واحد كان يالف قصص واشهر قصه له كانت البؤساء اذا سمعتوا عنه )) انا الصراحه كنت اتحراه قبر نابليون بس قالت لى وحده امريكيه انه لفيجتور هيجو ،، وملبقين فوق راسه شعله اونه رمز لفرنسا ،، جان يغمضنى وقلت مسكين نار فى الدنيا والاخره هههههههههههههههههههه .
منظر لباريس من فوق ب رج الشانزليزيه ،، روعه المنظر من فوق وعاد الهوا والبرد يا سلام ،، نسمات عليله ،، بس ريولى كانت تعورنى ومتخدرة من سلم التعذيب اللى طلعناه .
انشالله لنا لقاء مع الصور الباقيه
اذا مليتو خبرونى ،،، فداعة الله والسمحولى .
لوووووووووووووول
والله انها تستاهل الشرده ،، عيل ما شردت انا وضرابه بالدوام لين وافق مسؤولى على الاجازة ،،، هههههههههه
المهم تابعونى