صور لجزيرة( بالي )الي تقع في اندونيسيا
طبعاً هاي بعض الصور . من كاميرتي الكانون 500 D
والي يبغي الراحه والهدوء يسافر لهاي الجزيره
كنت فيها من تاريخ 10 /7 / 2009 ولغاية 19 / 7 / 2009
نبذه عن الجزيرة :
تعتبر جزيرة “بالي” الأندونسية من أجمل الجزر بالعالم، فقد حباها الله بكل مزايا الجمال الخاص بالمدن والجزر فبها الأنهار العذبة والجبال والمرتفعات الشاهقة والبحر والغابات الغنية بأشجارها وزهورها، إضافة لذلك فهي تمتاز بالمناخ المعتدل الجميل والذي يتواءم مع كل شخص سواء أكان من بلدان باردة أو من بلدان ذات مناخ حار.
وتقع جزيرة “بالي” والتي تعتبر جزيرة ضمن ثمانمائة جزيرة تتكون منها دولة إندونيسيا – وتسمي بأرخبيل الجزر – ومن ضمن هذه الجزر نجد جزيرة بالي – والتي تعتبر من أجمل مناطق الدنيا حيث يؤمها السائحون من جميع بقاع العالم وتمتاز بمناظرها التي تأخذ الألباب وتدهش النظر.
تمتاز “جزيرة بالي” بجبالها ومرتفعاتها الشاهقة والدائمة الاخضرار ومن أشهرها “ابود”، وهي جبال بركانية عادة ما تتنفس بإخراج دخان حرارتها الداخلية كدلالة على نشاط بركاني خامد.
تمتاز هذه الجزر بغاباتها الاستوائية المتشابكة ذات الأشجار العالية وتمتاز بمناخها المعتدل المشمس وشواطئها الخلابة التي يتمنى ارتيادها كل شخص سمع عنها أو شاهد صوراً عن مناظرها
..
..
..
..
..
..
..
..
..
..
..
..
..
..
..
..
..
..
..
طبيعية تذبح والبعوض مب مقصر صراحة ايام عشنها وتبا الصدق قرارنا انا والاهل انا انتم فيها شهرين ما نخلي بقعة فيها ما نسيرلها بس صراحة عن عمري يالله تحملت وبالغصب شهر وعصرت على عمري لومي
عشان يمر هذا الشهر وما قدارت حسيت عمري بموت وعلى طول على اول طيارة من جكارتا رديت الامارات وصدق هني ردت الروح فيني وباقي اعضاء العائلة كملوا الرحلة بنفس البرنامج
وانا كل يوم اتصل فيهم وطنز عليهم واغايرهم اني داخل البلاد وااايد مستريحة من الرطوااابة والغربة والبعوض ، عن عمري اكثر من 10 ايام سفر ما تحمل اتعب وبالقو .
الله يسلم غاليك يالغالي
درجه الحراره تقريبا 25 لكن الجو روعه والسماء دوم مغيم واحياناً شي مطر
بيني وبينك الاسعار ماعرفها لاني انا من النوع الي ماحب اعور راسي
كنا مسوين جمعيه وكل حد حاط مبلغ وعندنا واحدمن الشباب يحب الفلوس ويحب تكون عنده ومخلينه هو امين الصندوق وهو الي يحاسب
لكن اذا مصمم بتصلبه وبتخبره عن الاسعار وكم دفع .
بخصوص اسعار الرحلات .
عزيزي عندنا دريول ربعنا الي سايرين قبل عاطينا رقمه ويوم وصلنا هناك اتصلنابه والصراحه هو هب ريح
ريال مسلم ويتكلم عربي . وهو بيوديك كل مكان وبيرتبلك الجدول يمر عليك الفندق الصبح ويلفلف فيك لين ماعينك تطلع وبطات ريولك تشتكي
واخر يوم يوديك هاك المساج .
المساج قصه . تطلع من عندهم خفيف واعضامك لينه مستويه ومن كثر مب لينه اي نسمة هواء شلتك
ماعرف اسوي دعايات لكن روح وبتستانس ان شاء الله
صباح النور والسرور اختي الغر الغشيم
الله يسلمج ان شاء الله
وانا مينون اخبركم . على طول اللسته بتكون جدامي ..ازطط منج
الحين انا ريجي نشف وصبعي عورني من الطباعه ومتخقق وكاتب ان التصوير من كيمرتي ومتفلسف وحاط نوعها واخر شي تقولين كيمرة التيلفون ونوكيا !!
هي ان شاء الله كل ماسافر مكان بحط تقرير ماشي شغل
الله يسلمج اختي ديره
صحيح في نشاطات سياحيه بحريه الصراحه متعه تذكرج بايام الصبى
والطبيعه روحها قصه . شوفيها بعينج وعلى الطبيعه احلى بمليون مره من الصور
والشعب طيب واغلبيتهم مسلمين شعب فقير لكنه بشوش ودايماً مبتسم وخاصه لما يعرفون بانج مسلمه يستانسون عليج وايد
والله يسلم غاليج ياختي ديره
العفو ياخوي
بخصوص الرحلة
شركة الطيران الي رحتها هي السنغفوريه مانصحك فيها
عليك بطيران الامارات .
خط الرحله كانت من دبي لين سنغافوره ( ترانزيت ) كانت 7 ساعات
ريحنا ساعه في مطار سنغافوره وبعدها طرنا الى جزيرة بالي باندونيسيا خذت الرحله 3 ساعات
سعر التذكره كانت غاليه شوي لان مافي حجوزات على اندونيسيا وكانت سعر التذكره 3250 درهم
اسم المنتجع ( كوته سيفيو ) انصحك فيه الصراحه
وبالنسبه للرحلات الداخليه . الصراحه كان عندنا دريول اندونيسي مسلم ويتكلم عربي
الصراحه مافيه حيله يشلك من الفندق الصبح يلفلف فيك لين المغرب ويعشيك على البحر هاي الاكلات البحريه ويردك الفندق الصراحه وايد حنون
وجان تبى رقمه حاضرين بس خلني اشوف وين حطيت رقمه