اليوم ان شاء الله بنزل الصور الي صورتها خلال هاليومين من وصولي كندا..
الاقلاع من مطار هيثرو الى كندا
طبعا استوت لي سالفه وياهم..لا في التذكرة ولا على الشاشات كانوا ذاكرين رقم البوابة اللي بتقلع منها الطيارة..كنا قاعدين في اللونج مال الطيران البريطاني فجأة اسمع اسمي واسم اللي وياي ( النداء الاخير لفلان الفلان يرجى الاتجاه فورا الى البوابة) ..اختبصت وشليت غراضي ونزلت ع الرسيبشن وسألتهم اي بوابة قالولي 12..وانا جري من بوابة 1 الين بوابة 12 وفي نفس الوقت اسمع يزقرون اسمي النداء الاخير وانا من صوب ازيد السرعة..جري الين ما وصلت البوابة 12 ..قالولي سير بوابة 9 ..وجري بعد مره لـ صوب بوابة 9 .عاد هالمرة يزقرون اسمي ويقولون بنسكر البوابة لووول..جان اشغل التيربو وجري..لين ما وصلت كانوا تقريبا مسكرين الباب..والطيارة مأخرينها بسبتنا لووووول..غصبن عنهم …خخخخخ بيزنس..اول ما دخلت الطيارة جان اشوف مدير شؤون الموظفين يطالعني ويقول هالاسم مب غريب علي اللي مأخر الطيارة خخخخخخ جان اخبره السالفة… بس الصراحة هلكت من الجري..
وهني وصلنا مطار كالجاري Calgary في كندا
درجة الحرارة 10 بررررررررررررررررررررد..طبعا انصدمت من منظر المهندة..من موظفي الهجرة ومسافرين وغير اللي برع..ورانا ورانا..
طبعا من المطار الين الفندق فوق الجبل ساعتين تقريبا…كنت ميت من اليوع..عنبوا ساعه 9 بالليل عندهم الدنيا منوره لوول
المهم اتصلت رووم سيرفس عشان اطلب لي شي اكله..ما كانوا عندهم دياي..فطلبت همبرجر لحم..عاد اتخيلوا منو اللي وصل الطلبية؟ لبناني لووووول لا اونه بعد مقدم على شغل في فيرمونت في دبي…بس الصراحة همبرجرهم لذذذذيذ..الذ من جوني روكتس..
برررررررررررررررررررررررررررررد قارس..بس يلا لازم نستحمل ..لزوم التصوير…
منظر جميل…
منظر الفندق The Fairmont Banff Spring
وهذا منظر النهر ..رووووووووووووووووووعه ودي انزل بس ماعرف لين الحين كيف اوصله…بشوف بعدين
الفندق تم انشاءه في عام 1888 وله تسمية اخرى The Castle in the Rockies
منظر امام الفندق والمكون من عدة مباني..
منظر عام للفندق
وان شاء الله تكملة الصور خلال ايام قادمة في الجزء الثاني للموضوع
وان شاء الله اتكون نالت رضاكم 
طبعا الصور في قمة الروعة، بس بغيت اسالك اي كاميرا تستخدم؟؟
وترجع بالسلامة إن شاء الله ونتريا مزيد من الصور
الحمد لله على السلامه اخوي احمد
و الصور جميله
والأماكن جميله
الهمبرغبر لذيذ بايدي لبنانية
ربي يوفقك ويسعدك
وترجع بالسلامه لديرتك
دانه الدنيا
شكرا جزيلا
ما كنت شارد..كنت قاعد في اللونج..المفروض يعلنون عن رحلتنا ورقم البوابة..بس الحبايب مب عارفين حتى رقم البوابة..ولا حتى كاتبين ع اللوحات الي برع..يعني غلطتهم..بس خليني ارد وبطرش لهم شكوى…يمكن يعطوني تذكرة مجانية عشان يرضوني
خخخخخ…
روعة الصور اخوي احمد دبي والاماكن اروع
بس اعترف ليش كنت شارد من الطيارة ويدورونك ؟؟
قول الحقيقة
لوووووووووول