السلام عليكم ورحمة الله وبركاته
الرحلة كانت بتاريخ 10/4/2009 وانتهت بتاريخ 11/4/2009
طلعنا من الصبح وتجمعنا عند بيت واحد من الشباب
عددنا كان 6 اشخاص
اولاً توجهنا لمنطقة دبا ودخلنا الحدود على اساس ان نحن ناوين نروح خصب من صوب الجبال
بس للأسف بعد ماتعمقنا شوي اكتشفنا ان الطريج مسدود بسبب انهيار جبلي والصراحة جاسني احبااااااااااااااااط
ف طلعنا وقلنا بنسير من درب راس الخيمة وصلنا راس الخيمة ودخلنا حدود عمان وشفنا المناضر الحلوة
الجبال على يمينا و البحر على يسارنا
اول ماوصلنا تمينا اندور سكن
كل الاماكن فول من السياح الاجانب
حصلنا في فندق خصب
والغرفة عبارة عن سريرين صغار وسرير كبير
حجزنا لمدة يوم واحد ب 750 درهم
والامور الثانية الصور بتتكلم بدالي
واذا شفت ان شي ردود حلوة واقبال حلو على الموضوع بنزل التكملة
وعليكم السلام ورحمة الله وبركاته
صور جميلة ورائعة
نحن متابعينك اخوي
والطرق الجبلية بعد الأمطار صعب التجوال فيها
الله يسلمك
هههه شو اسوي كنت مخترش
بس عجبني وايد درب خور نجد
((بس للأسف بعد ماتعمقنا شوي اكتشفنا ان الطريج مسدود بسبب انهيار جبلي والصراحة جاسني احبااااااااااااااااط))
ما قلت لك يالنقبي لا تسير هالدرب بتشوفه مخترب بسبب الأمطار .. ماطعت الشور .
عموما حمدالله السلامه وخيرها في غيرها .