السلام عليكم
اليوم يايبلكم مجموعة صور من رحلتي لمكه لأداء العمرة ونفس الوقت خذيتلي جوله فالطائف بصراحه روووووووعه. لحسن الحظ يوم كنت ادور على (تاكسي) لقيتلي واحد باكستاني لكنه مولود في مكه وماطلع منها.. وماقصر وداني كل الاماكن تقريبا وساعدني في التصوييير خخخخخخ
ما بطول عليكم اخليكم مع الصور
اول شي طبعا سرت الطائف ….وهذي صورها
شووووف سبحان الله كيف الصخور مرتبه تقول حد مصصفنها ومرتبنها!
القرود على افا من يشيييل ههههههه شرات ماتشوفون القطاو عندنا هم نفس الشي بس قرود بالهبل فالشوارع
هذي منطقة (الهدا) منطقة عاااليه جدا ومن فوق تقدر تشوووف مكه المكرمة بأكملها مثل ما واضح فالصور
وبعدين الله يسلمكم سرت منطقة الشفا وهذي تقدر تقول جنة الله على الارض….طبيعه ما بعدها طبيعا تسمع اصوات الطيور والقروود وتشووف الخضرة في كل مكان ودرجه الحراره بحدود 19-20 درجة مئويه يعني شي خيااالي وفيها غابات رهيبه ….شوفو الصور والفيديوز
طبعا وصلنا الساعه 3.30 الظهر والمطاعم اغلبها مقفله
ومالقينا غير البقاله..هاذا الميراندا مالهم عجييييييييييييييييييييييييييييييييييب 
شوووف الجبال كيف على شكل طبقااات…سبحان الله
شووف المنظر الرومانسي خخخخ
طبعا هذه الفواكه كلها فرشششششش من المزارع
واحلى شي عصير التوت يعصر التوت في دبه وتشربه فرشششششششششششششش لذييييييييييذ
أم اربعه واربعين !
هذه اشجار (البرشومي)طبعا موسمها فالصيف ..بس شكلها غريب !…وهذي كانت اخر محطة في الطائف
[/img]http://www.satfrequencies.com/invest/images/uploads/049a040406.jpg[/img]
ننتقل الى مكه المكرمة
صوره الحرم من الخارج ..هذا بعد ماعتمرت تقريبا الساعه 3.30 الفجر
صوووره الكعبه قبل صلاة الفجر بدقائق شوف ما اكثر الناس اللي يطوفون ما شاء الله
وهذي صورة للكعبه المشرفه بعد صلاة الجمعه مباشرة والدنيا حرر نااار لكن مع ذلك في ناس يطوفون حواليها
اليوم الثاني خذيتلي جوله في مكه والمناطق اللي حواليها
اول شي عرفات
بعدين جبل الرحمه
شو رايكم فالحركه …مدري ليش حسيت اني معرس في ايام الجاهليه خخخخخخخخ
شووف الحجارة شكلها غريب …سبحان الله
بعدين كملنا مشوارنا على مزدلفة ومنى
وآخر شي سرنا جبل النور
طبعا هلكت وانا اصعد كل شوي اوقف اريح يمكن خذنا ساعه بس نصعد والله للحين ريولي تعورني…
هذه قمة الجبل طبعا في ناس ساكنه هناك!
لكن بعد التعب تشوف هالمنظر شو يستوي فيك؟
طبعا هني مدخل الغار
وكالعادة اصدقائنا موجودييين خخخخخخخ
شو رايكم ؟
تـــــــــــــــــــــــــــــــــــــــــــــــــ ـــــــــــــــــابع………………
اولا ..ابارك لك العمره وتقبل الله منك
والصور روووووعه خاصة غار حراء
ثانيا عندي عتب صغيروني لهيئة السياحه في السعوديه
الشفا والطائف زرتهم مره وحده وبصراااحه المكان كطبيعه حلوها لكن مايعيب المكان
قلة وندرة المرافق السياحيه لافنادق زينه ولامنتجعات وعدم نظافة المكان
رغم ان المكان مؤهل لجذب عدد كبير من السواح وخاصة الخليجيين ف
اللاسف ينقص المكان عوامل الجذب السياحي ..
مبرووووووك علي العمر
و عقبال الحج ان شالله
و سلمت علي الصور المعبره
dubaieye
تقبل الله منا ومنكم ان شاء الله
شكرا عالمرور
FRESH
الله يسلمك اخوي
تسلم عالمشاركه
الفلاسي 1
الله يسلمك الغالي وعقبال الحج مثل ما قلت
شرفتنا بمشاركتك
مكتب استشاري
الله يبارك فيك عقبالك
وعن السبلان ها ولا شي والله عندي فيديو عجيييب بس للاسف حاولت انزله ماستوى مادري ليش بحاول انزله عقب
اشتاقتلك العافيه حبوب ونورتنا بمشاركتك
فلان
شكرا عالاطراء بس للاسف بعض الصور مب واضحه لان ها تصوير تلفون
الحمدلله ان ذكرتك بشي زين يالله شد حيلك وسير
شكرا عالمشاركه
مضارب مغامر
خخخخخخخخ انا يوم ذكرت اصوات القرود كنت اقصد ان الطبيعه فظيعه اشجار كبيره جبال عاليه والغيوم تحتك والقرود تاكل من ايدك والله كشخه
تسلم على اثرائك للموضوع حبوب
تقبل الله طاعتك اخوي فهد ..
لا عاد كله بصوب ولما يقول الجو حلو تسمع اصوات الطيور والقرود .. يعني من حلاه اصوات القرود خخخخخخخخ
ما قلت لنا اخوي فهد وين سكنت ؟ وشو مكه هالوقت زحمه؟
السلام عليكم
الله يتقبل عمرتك يارب العالمين
وماشاء الله تصويرك حلو ومع الصور حسينا الايام ترجعنا وتذكرنا بأيام الحرم لما كنا هناك
الله يكتب لنا ان نزور الحرم مره الرابعه بإذن الله
ويكتب لنا ان نحج الى بيته الكريم
وعيبتني سالفت القرود صراحه طماشه ^_^
اشكرك اخوي وماقصرت ونننتظر يديدك