السـلام عليكم ورحمـه الله وبركـاته ..
شحالكم ؟ 
اليوم من خلال تجوالي في موقع قوقل .. لفيت لفيت ولفيت
لين وصلـت .. جريده Gulfnews
مقال بعنوان : “ ردود فعل متباينة على التعليم المختلط ” ..
أستغربت أي تعليم مختلط تطرون .. أكيد صوب الجامعة الأمريكيه والا شئ من المدارس الخاصه والا جامعة خليفه
قبل لا أبدى في المقال .. ترى نشر بتاريخ February 28, 2009
وهذا هو المقال
.
.
.
.
.
في البدايه المقال وضح أنه العاملين في هالمؤسسات يقولون انه المفروض الانساان يتطور بطريقه علميه مع الأخذ في عين الأعتبار العادات والتقاليد والاعراف ( لين الحين نحن معاهم )
عقب ذكر أنه جامعة زايد أعلنت انه 100 طالب بيدخل الجامعة في دبي و 50 بيدخلون بوظبي !
( استغربت .. جامعة زايد في بوظبي عندهم حرم خاص للطلاب بجانب حرم الطالبات .. هل قصدهم بيلتحقون بحرمهم .. او انه الدراسه بتكون مع البنات ! )
وذكر انه كليـه التقنية للطالبات في دبي من أربع سنين و وطلاب تخصص مساعد طبيب يدرسون مع البنات !
جامعة الشارجه بعد .. ذكروا انه كليه الطب و الفنون مختلطه بينما باقي الكليات لا ..
وفي آخر المقال كان في أراء في هالناحيه بنقل لكم بعضها
1- الدوله لها معتقدات وعادات وتقاليد يجب احترامها .. المدارس والجامعات المختلطه تساعد على تعويد الطالب والطالبه في عملهم و قرارتهم . المدارس المختلطه مابتكون اجباريه .. والوالدين لهم حريه الاختيار(Naina Nair)
2- نحن نحترم الثقافه العربية والإسلامية .. وإذا أخذنا في عين الإعتبار جامعات بريطانيا .. في وايد جامعات one gender only نحن مب محتاجين للاختلاط عندنا مصادرنا و ووسائلنا التعليميه .. و مب محتاجين نساعد الشباب على الفساد ( Dr. Baker Ahmad Alserhan) هذا دكتوري و اتوقعت انه يقول هالكلام 
3- أنا مع الاختلاط للمساعده على تجنب مشاعر الحرج التي ممكن ان تحصل في العمل و التدريب (Maitha)
4- انا لا اؤيد التعليم المختلط ، لا تصلح حتى لثقافتنا. لقد سمعت الكثير من الحوادث من كليات التعليم المختلط. في مثل هذه الظروف ، فإنها لاتساعدهم على التركيز على دراستهم ، في نهاية المطاف تفسد حياتهم الوظيفية. (Razaq)
5- التعليم المختلط ( حرام ) في الاسلام و يجب ان يمنع (Shabir Zain Al Deen)
6- الاحصاءات تبين انه التعليم المختلط لا يخفض من الاداء الأكاديمي .. بالعكس يساعد على فهم أكثر من الجنس الآخر و يساعد على الحد من الصراعات مع الجنس الآخر (Hari Kumar)
تعليقي :
نحن مب ناقصين خراب لشبابنا.. صراحة أنا ماعرف هل هي هذي البدايه ،، أو انه سوف يقف المطاف هنا
لنه لو زادت الحاله فاتوقع انه أغلب العوائل المحافظه بتمنع ( بناتها ) من التعليم و هذا مش لمصلحه البنت ولا لمصلحة الدوله ( وأخص بالذكر للجامعات )
شو رايكم ؟
همسه : الموقوع موجود فوق اذا في ترجمه غلط ياليت يتم التصليح
الاختلاط في الدراسه بتكون له مشاكل كثيره وكبيره جدا .. نسمع عن قصص محزنه جدا تصير في الجامعات المختلطه وللأسف هذي الجامعات في الدولة عندنا ..
اللي ينادي بالاختلاط .. اقوله عجبي ! ليش وين الدين ! ووين العادات والتقاليد والحشمه !! ووين الحياء !! سبحان الله وين وصلنا وكيف نتكلم !
شكرا اختي المحتشره على النقل المفيد والجميل
تسلمين والله يعطيج العافيه
صحيح ..
التربية هي أساس كل شي//
بس ممكن نقول اللى يشتغلون بيكونون كبار وناضجين و فاهمين كل شئ
البنت والولد
أما في الجامعة بيكونوا في سن مراهقه // اللى صعب حد يسيطر عليهم
__________________
أنا وجهة نظري شوية مختلفة!!
انا مب مع أو ضد
بالنظر إالى طبيعة المراهقين شو بنشوف… رغبة جامحة أو فضول في التعرف على الجنس الاخر!
فاذا يبتوا البنات أو الاولاد من مدارس حكومية!! و فجأة خلطتوهن في الجامعات شو تتوقعون بيستوي!!
طبعا بلاوي
والله يبارك في الاعلام و ترويجه لقصص الحب وغيره
أم اللي ايون من مدارس خاصة اعتاداو فيها على الاختلاط بنسبة بسيطة تكون ردة فعلهم أقل في الحدة!
في النهاية
المفروض الاسرة تربي عيالها المراهقين على الصراحة.. التعمل بنضج ان اضطروا مع الجنس الاخر
لانك لو منعتهم في الجامعة! هل بتقدر تمنع هالشي في الشغل؟!
وجهه نظـرج ونحترمها
بس لو قريتي رد أخوي maalawal يمكن تغيرين رايج
__________________
اختلاط
no way
يعني مستحيل