السـلام عليكم ورحمـه الله وبركـاته ..
شحالكم ؟ 
اليوم من خلال تجوالي في موقع قوقل .. لفيت لفيت ولفيت
لين وصلـت .. جريده Gulfnews
مقال بعنوان : “ ردود فعل متباينة على التعليم المختلط ” ..
أستغربت أي تعليم مختلط تطرون .. أكيد صوب الجامعة الأمريكيه والا شئ من المدارس الخاصه والا جامعة خليفه
قبل لا أبدى في المقال .. ترى نشر بتاريخ February 28, 2009
وهذا هو المقال
.
.
.
.
.
في البدايه المقال وضح أنه العاملين في هالمؤسسات يقولون انه المفروض الانساان يتطور بطريقه علميه مع الأخذ في عين الأعتبار العادات والتقاليد والاعراف ( لين الحين نحن معاهم )
عقب ذكر أنه جامعة زايد أعلنت انه 100 طالب بيدخل الجامعة في دبي و 50 بيدخلون بوظبي !
( استغربت .. جامعة زايد في بوظبي عندهم حرم خاص للطلاب بجانب حرم الطالبات .. هل قصدهم بيلتحقون بحرمهم .. او انه الدراسه بتكون مع البنات ! )
وذكر انه كليـه التقنية للطالبات في دبي من أربع سنين و وطلاب تخصص مساعد طبيب يدرسون مع البنات !
جامعة الشارجه بعد .. ذكروا انه كليه الطب و الفنون مختلطه بينما باقي الكليات لا ..
وفي آخر المقال كان في أراء في هالناحيه بنقل لكم بعضها
1- الدوله لها معتقدات وعادات وتقاليد يجب احترامها .. المدارس والجامعات المختلطه تساعد على تعويد الطالب والطالبه في عملهم و قرارتهم . المدارس المختلطه مابتكون اجباريه .. والوالدين لهم حريه الاختيار(Naina Nair)
2- نحن نحترم الثقافه العربية والإسلامية .. وإذا أخذنا في عين الإعتبار جامعات بريطانيا .. في وايد جامعات one gender only نحن مب محتاجين للاختلاط عندنا مصادرنا و ووسائلنا التعليميه .. و مب محتاجين نساعد الشباب على الفساد ( Dr. Baker Ahmad Alserhan) هذا دكتوري و اتوقعت انه يقول هالكلام 
3- أنا مع الاختلاط للمساعده على تجنب مشاعر الحرج التي ممكن ان تحصل في العمل و التدريب (Maitha)
4- انا لا اؤيد التعليم المختلط ، لا تصلح حتى لثقافتنا. لقد سمعت الكثير من الحوادث من كليات التعليم المختلط. في مثل هذه الظروف ، فإنها لاتساعدهم على التركيز على دراستهم ، في نهاية المطاف تفسد حياتهم الوظيفية. (Razaq)
5- التعليم المختلط ( حرام ) في الاسلام و يجب ان يمنع (Shabir Zain Al Deen)
6- الاحصاءات تبين انه التعليم المختلط لا يخفض من الاداء الأكاديمي .. بالعكس يساعد على فهم أكثر من الجنس الآخر و يساعد على الحد من الصراعات مع الجنس الآخر (Hari Kumar)
تعليقي :
نحن مب ناقصين خراب لشبابنا.. صراحة أنا ماعرف هل هي هذي البدايه ،، أو انه سوف يقف المطاف هنا
لنه لو زادت الحاله فاتوقع انه أغلب العوائل المحافظه بتمنع ( بناتها ) من التعليم و هذا مش لمصلحه البنت ولا لمصلحة الدوله ( وأخص بالذكر للجامعات )
شو رايكم ؟
همسه : الموقوع موجود فوق اذا في ترجمه غلط ياليت يتم التصليح
متفائلة
تفائلي بالخير هههه
انزين وعادي باجر ينقلونج مدرسه شباب ثانويه تدرسيهم
__________________
جامعات وينعدن ع الأصابع وقلنا ماعليه..
بس الحين يبون مدارس!!!
تخيلوا معاي البنية بدال ماتسير بيت اربيعتها تدرس تروح بيت ربيعها
وااااامصيبتاه…
ايووه ..
امممم.. يعني عندكم شبه اختلاط
انتي تحسينه مب اوكي .. بس ممكن شباب و بنات تعيبهم السالفه و يستانسون عليها
وعادي أختي اتوقع توصل السالفه للشرطه ..
الله يبعد المشاكل عناا
شكراا ع المرور
هههههه لا ماتعيبنا السالفه نتضيج بصراحه من نشوف كندوره بيضا في قسمنا
كل واحد ونيته وانتي ماتعرفين بالنوايا غير سبحانه
قد قالها حد من الشيوخ دام السالفه فيها خلط فالتعليم ف يبنون عدال الجامعات مستشفى
السموحه على هالكلام لكنه واقع !
وخلاص تراه اللي قاهرني قرار الشرطه
انه خلت البنت تروح مع …. لأنها خبرتهم اذا مسكتوني اهليه بيذبحوني فخلوها تسير معاه
واللي سوته الشرطه انهم بس شلو الاي دي !!
والنعم بصراحه فشرطتنا =)
تفتح لهم المجال بشتى الطرق
شكراً ع التصحيح بس كنت منفعل شوي
__________________