امس ببث مباشر الشارقه كان ردوكيل الشؤون الإجتماعية
انه ذوي الدخل المحدود مثل المطلقات والارامل الاااتي يأخذن 2190درهم
تكفيهم وزياده.

فعلا كلام لا مسؤول اكيد بتكفيك اذا كان اكلك وشربك ومصاريفك كلها على حساب الوزاره.

39 thoughts on “رد وكيل الشؤون الإجتماعية:- 2190 درهم تكفيكم.”

  2. آخر تصريح انا سمعته من شهور لوكيل وزارة الشؤون كان في برنامج بوراشد قال الناس تتحره مريم الرومي

    عندها خيشة ( خيشه يعني يونيه للي مايعرف اللي يحطون فيها العيش (الأرز) ) فلوس وإتوزع على الناس !!!!!

    وقال شي مجلس مسوينه في الوزارة إسمه تياسير يستقبلون فيه المحتاجين ويفهمونهم مثلا ليش

    الوزارة ماتقدر تساعدهم أنا مستغرب من الوكيل الحريص على أخذ كتيب فيه قوانين الوزارة يصدر

    عنه هذا التصريح ومره وصلت إشاعه لراديو عجمان إن معاش الشؤون بيقطعونه جان تتصل الوزيرة بنفسها

    تنفي الخبر .ال2000 شتسوي ياجماعه هذيل مايسون بني آدم ياجماعه نحن بشر مب بهايم مب همنا الأكل بس فيه اشياء

    وايد مهمه في الحياه خلهم ينزلون أسعار الكهربا والتلفون والنت عشان نحس بدعم حقيقي

  3. كلمته مب حلوه ، ذكرني بكلمه ماري انطوانيت لشعبها اليوعان بما معناه “اذا ما عندهم خبز خل ياكلون بسكوت” وهل الكلمه ودتها المقصله خخخخخخخخخخخخخ

  4. فعلا اللي ايديه في الماي مش مثل اللي ايديه في النار

    الشخص المسؤول اللي ما يحس بالناس اللي مسؤول عنهم

    مفروض ما يظل مكانه

    لانه هو في هذا المكان عشان يخفف معاناتهم مش يزيد معاناتهم

Comments are closed.