السلام عليكم و رحمة الله و بركاته
من زمان ما نزّلت موضوع فرفوشي. 
احم احم،
طبعا الكل إستلم رساله خاصه من كبير المستثمرين البارحه تشير الى ان المنتدى قيد التعديل. و طالب من الجميع بعض الإعدادات اللازمه. طبعا أنا لا سوّيت تعديلات ولا هم يحزنون. 
سؤالي لكل عضو.
أول ما شفت الرساله يايتنك و المرسل كان كبير المستثمرين. اللي بعمره ما طرش شي مفرح. كله حذف و نقل و تهديد و باند. 
شو كان شعورك وقتها ؟
خصوصا الأعضاء اللي كانوا مسوّين شي و ينتظرون الباند مثل أخونا gtr30000.
بالنسبه لي،
إستانست يوم شفت إن رساله يديده يايتني، بس يوم شفت المرسل كبير،
قلت : “يا فتّاح يا عليم يا رزاق يا كريم“.
ملاحظه،
اللي ما عيبه الموضوع، و عنده كلمه يحس إنه بيتهزأ عليها، فـ في آيكون في المتصفّح اللي عنده، فوق على اليسار، مكتوب عليه “BACK”. وااااايد يمدحون هالآيكون في هالحالات. 
طبعا طبعا….وأنا شراتج…
خخخخخخ
الظاهر إنج تدرسين علم نفس أو إنج ساحره.
ولا إشدراج إني بنزّل الموضوع !!
إذا أنا اللي هو أنا، فكّرت أنزّل الموضوع من ساعه بس.
أنا بصراحه ما عدّلت،
مب لأني ما أبا أعدّل، بس لأني أستعمل الفيرفوكس و ما أعرف وين أعدّل.
اممممممم
يقولون gtr صدره يعوره من البارحه. و لين الحين ما فتح الرساله.
أخوي رحال،
طبعا وصلت الساعه 5 و ما وصلت الرساله. هذا شي طبيعي.
أحب أقولك معلومه يديده، الخيل الحين في الطريق لك و وصل محطة البترول اللي في”سيح شعيب“.
طبعا بتقولي شو وداه هناك.
كبير الله يهديه خاف إن الطريق المعتاد فيه كمين، و إنته تدري إن الحرب خدعه، و كبير أبو الدسائس و المؤامرات.
فـ تفتّقت عقليته الفذّه، إنه يغيّر مسار الرحله في الدقيقه الأخيره.
السموحه، الوقت اليديد لوصول الرساله بيكون الساعه 3 فجراً.
بعده تواجهني نفس المشكله كرهت الدوام اوووف