السلام عليكم و رحمة الله و بركاته
من زمان ما نزّلت موضوع فرفوشي. 
احم احم،
طبعا الكل إستلم رساله خاصه من كبير المستثمرين البارحه تشير الى ان المنتدى قيد التعديل. و طالب من الجميع بعض الإعدادات اللازمه. طبعا أنا لا سوّيت تعديلات ولا هم يحزنون. 
سؤالي لكل عضو.
أول ما شفت الرساله يايتنك و المرسل كان كبير المستثمرين. اللي بعمره ما طرش شي مفرح. كله حذف و نقل و تهديد و باند. 
شو كان شعورك وقتها ؟
خصوصا الأعضاء اللي كانوا مسوّين شي و ينتظرون الباند مثل أخونا gtr30000.
بالنسبه لي،
إستانست يوم شفت إن رساله يديده يايتني، بس يوم شفت المرسل كبير،
قلت : “يا فتّاح يا عليم يا رزاق يا كريم“.
ملاحظه،
اللي ما عيبه الموضوع، و عنده كلمه يحس إنه بيتهزأ عليها، فـ في آيكون في المتصفّح اللي عنده، فوق على اليسار، مكتوب عليه “BACK”. وااااايد يمدحون هالآيكون في هالحالات. 
الله يسامحك يالبورصه … يوم يشوفني في المنتدى شوي الصبح يقولي شو مدخلنك المنتدى .. جابل شغلك …
والجماعه انقطع عنهم المنتدى في الدوام يومين قاموا يغنون لحسن الاسمر ” كتاب حياتي يا عين ما شفت زيووو كتاب .. الفرح فيه سطرين والبااائي كولولوا عزاااااب ”
لا تزعلين اختي يور سول … امزح وياج
على فكره اخوي كبير .. ترا البورصه اليوم مسوي مناحه .. ااذاني اذى العالمين ما خلاني اشتغل كل شوي يقولي مب قادر ادخل المنتدى .. شوف لي الخطوات كيف يصلحونه .. شويه كان بيحب ايدي عشان اعطيه الطريقه لكني سحبت ايدي بسرعه وقلت الله
” غووور كده وانته شبه شحاتين السيده ”
<<< ما صدق ان الموضوع للفرفشه
خخخخخخ أنته متشطر علينا
خلاص انا بسوي خروج 
حسب المصادر الموثوقه اللي يتني، إن المراسلات بينكم يالشياب تصير بواسطة الخيول. << أونكم تعيشون عبق الماضي.
ما عليك،
كبير مطرشلّك الرساله ويا أحد العيون اللي تراقب مضارب بني عبس.
عاد السالفه ما يبالها وايد، الخيل طالع من العين البارحه الساعه 10:30 مساءاً و بيوصل دبي الساعه 5:00 عصرا.
الرساله يايتنك يايتنك.
انا شعوري كان عاااااادي
تقدر تسميه تحصيل حاصل
او حاصل محصول
لأن الرسالة الللي وصلتكم من
كبير المستثمرينانا اللي باعثتنها له
