حبيت احط هذي القصه للعبرة وعشان محد يقص عليكم
يوم من الايام رحت البقاله الي جنب بيتنا وقتله عطني 4 اورنامين سي (مشروب الطاقه ) و 10 سفن اب
الاورنامين سي الواحد ب 2.5 درهم و السفن اب سعرة معروف درهم واحد …. المجموع = 20 درهم
————————————————–
رحت بعد يومين نفس البقاله لاكن هذي المره ياني هندي ثاني مش نفس الشخص الاول .. وطلبت نفس الطلب بالضبط وعطيته ال 20 درهم …. قالي ارباب باقي 4 درهم ونص …..قتله ليش خير ان شاء الله…قال السفن اب سعرة ارتفع وصار 1.25 درهم … و الاورنامين سي سعرة ارتفع وصار سعرة 3 دراهم
قتله من متى هذا الكلام قال من 5 ايام الاسعار مرتفعه … رديت عليه اني شاري من يومين من عندهم بالسعر القديم وقتله ينادي الشخص الثاني .. قال محد في البقاله غيري …. ومستحيل يكون السعر 20 درهم لان الاسعار تغيرت من المورد الرئيسي … قتله امسك الكيس وسحبت الفلوس من ايده وقتله اسمحلي غيرت رأيي مابغي خلاص … طبعا تم يحاول يقنعني ويبرر موقفه بس انا ما سويتله سالفه سكرت الجامه وروحت
رحت بقاله قريبه منه ورى نفس البنايه .. وعطاني ب 20 درهم نفس الطلب
ارجوا من الجميع اخذ العبره من هذا الموقف لانهم يستغلون الناس ولازم نسوي فيهم هذي المواقف عشان يحسون على دمهم شويه
تحياتي للجميع
أسعار المشروبات الغازية (بيبسي ,كوكا,7اب)=4.5درهم
في اينوك وايبكو 4 دراهم بس
عشان يحسون على دمهم شويه
منو اللي يحس عـ دمه .؟ قصدك الآسيوين .؟
ههههه و الله هذيلا ما يحسون الا عـ بيزاتهم
الله يعين و الله ..
كل مكان النصب حتى في المطاعم وخاصة راعي الكافتيريا يوم بتكون ويا ربيعك ويشوفكم تتعازمون على الحساب يضرب الرقم الي بياة ويعرف محد بيقولة ليش اتحذور من هاي السوالف وراجعوا الحساب عدل قبل لاتدفعون ……. ناس ماعندهم …ذمة..حرامية طبعا مب كلهم …
ينسرق … المهم المال يدخل جيوبهم
اقترح على اللي يعرف محلات تبيع على الناس بأسعار معقوله
يكتب أسمها اذا الاداره تسمح بذلك اويعلمنا عنها
كلام سليم
حتي الروب كان بدرهم وربع هذا من اصجاب البقالات ارواحهم
لاكن يوم تشددت الرقابه كم يوم نزلو الاسعار الهروم بس حد منهم الين اليوم يبيعه بدرهم وربع
الله يعين المواطنيين
وتسلم ان كنت ذكر
وتسلمين ان كنتي انثى