رفع سعر البنزين في الدولة مرة اخري

49 thoughts on “رفع سعر البنزين في الدولة مرة اخري”

1. وقالت الشركات في بيان اليوم إن رفع أسعار البنزين بنسبة ضئيلة

   اي نسبة ضئيلة ؟
   الزياده هاي اكثر عن الزيادة الي صارت قبل وسوت ضجه من سنتين تقريبا,
   قبل كانت الزياده 50 فلس للجالون , والجالون فيه 4 لتر
   والحين الزياده 15 فلس للتر الواحد ,,,, يعني 60 فلس للجالون

2. ياجماعة قاطعوا شركات اينوك وايبكو والامارات
   هم سبب الزيادة

   وتكفينا أدنوك

3. اخواني واخواتي الافاضل

   وازيدكم من الشعر بيت

   توني سمعت ومن امارات للبترول اروحهم ان هذه الزيادة مبدئية

   وبعدهم بيرفعون السعر …

   ما ادري بهاليور وين بيوصلون ..!!!؟؟؟

   اشفطوا اشفطوا يعلكم اللق

   وما اقول غير حسبي الله ونعم الوكيل

   والله المستعان

   لا هنتـــــوا

   وربي يحفظكم

   تحياتي

   اختكم

   سهمي عالي
   

4. حسبي اللة ونعم الوكيل كل شي ابيرتفع والحجة البترول غالي

5. ياجماعه ليش نحن نتحمل خساير شركة أينوك و ابكو ؟؟؟؟؟

   إينوك وابكو يستوردون بترولهم من برا وهم يزيدون الأسعار يوم يحسون انهم يخسروون

   والظاهر في إتفاقيه إذا حد من الشركات تزيد في الأسعار لازم يزيدون أسعارهم ..

Comments are closed.