مثل ما هو واضح من العنوان …
يقولون النوم سلطان .. لكن شو حيله اللي نومه أمبراطور ؟؟
هذا أنا
لو يابوا دبابات داخل الغرفه تمشي بعد ما بسمع شي
ودي اكون من هالجماعه اللي من يسمعون الاذان ينشون على طول <<<<<< عشم ابليس في الجنه
المسافه بيني وبين الشغل خمس دقايق ودايم تلقاني متاخر .. بس الحمدلله اني مسؤول والمسؤال لازم يتاخر عشان يترك فرصه للي متاخرين وما يحسسهم بالتقصير <<<<< مسؤول ناجح
بس مب معناها اني دايم متاخر .. او اني ما انش بسرعه لكن هذي الصفه الغالبه
والحمدلله حاليا انا في اجازه وما اعاني من هالمشكله .. لكن المشكله في صلاة الفجر وهي اهم عندي من كل اشغال الدنيا …
يا جماعه شو هو الحل؟
حد عنده حل لمشكلتي؟
اريد حلااا
لا تقولون لي ارقد من وقت …
مره رقدت من الساعه 11 وقلت حلووو باجر بنش ان شاء الله لصلاه الفجر … والله ما انتبهت الا الساعه 11 الصبح .. والمشكله الحرمه كااااان رقادها خفيف .. شكلي عديتها معاي 
.. ومرات تحاول توعيني من الرقاد ولكن لا حياه لمن تنادي …
ياليت اللي عنده حل يقوله .. وياليت لو البعض يتحفونا بسوالفهم مع الرقاااااااااااااد
ودعواتكم لي بان الله يخفف من رقادي …
مع تحيات : نائم مع مرتبه الشرف
لا والله من دبي اخوي … تسلم يالغالي على الرد والاهتمام .. ويزاك الله خير … وبارك الله فيك …
مثل ما قالك صاحب محفظة
عليك بالحجامة في الراس،،،، أنا بنفسي شفت الفرق في واحد من اخواني
إذا انت من بوظبي راسلني عالخاص والباقي علي
هيه نعم على البعض التدخين يكون احد الاسباب
لكن اذا هذه الافه تؤدي نفس مفعول السيجارة اتركها
وجرب الحجامة وان شاء الله بتحس بفرق
ليش اخوي المدخنين رقادهم ثقيل؟
السلام عليكم
اخوي انت مدخن؟