رقم هوامير ( ثنائي ) !!

9 thoughts on “رقم هوامير ( ثنائي ) !!”

1. صدقت 4444

   انا شفت سالفت ال10 اللف هاي و ارتفع ضغطي

   شرات الي قبل سنه دق ل ولد عمي و قاله عندي رقدمين
   0507777777
   و 0506777777

   و يبي ف 77 بس 350 اللف
   و 677 يبي 300

   ولد عمي قاله تعال اتصالات و خذ بيزاتك كاش
   الحبيب قالو اوكيه بس عربني 5000 عسبت احجز الرقم ب اسمك
   قاله عربون ف عينك باجر بيزاتك كاش

   الله كريم
   جلبنا موضوع بن حسن سوالف

   الله يوفقك ياخوي و الرقم حلو
   واييد ييوني يبون ارقام ب 200 و 250 وانا طالب 2000 و 1500
   تعودنا على الى ما عندهم سالفه ^^

2. السلام عليكم ورحمة الله وبركاته
   ماقول غير الله يوفقك
   وانا اشوف 45الف زينات يعني حط 50 نهائي ^^
   الرقم رقمك وحتى لو حطيته بمليون
   بالتوفيق =)

3. صدقه اخويه 4444 ما يحق له يتحكم بالسعر وأعتقد ان أمر السعر شي راجع لي أنا صاحب الرقم ..

   وبعدين اخويه ssaaeed الريال نعم قال ماخذنه بـــ 18 ألف .. لكن ما قال متى ما خذنه .. يمكن الريال ماخذنه قبل مده طوييله .. والأسعار تختلف قبل والحينه ..

   واللي عنده أي استفسار يراجعني ع الخاص ..

   أشكرك اخويه 4444 ع التوضيح ..

   ربي لا هانك ..

   وعلى فكره ترى الرقم يابلي 45 ألف ..

   واللي عرض عليه السعر عضو من المنتدى

   وتواصل ويايه أكثر من مره ..

   لكن أنا سعري النهائي فيه 55 ألف ..

4. لا واللــه ؟؟

   صدق ؟؟

   متأكد اخوي انته ؟؟

   انزين رقمي 0509yyyy7y اذا تباه راسلني على الخاص وبأي سعر تباه
   بس لك انته مب بايعنه لأي عضو ثــاني

   لأن ماشاءالله اسعارك خياليــه
   الريال عارض بـ 60 الف .. ياي تقوله 20 الف ؟؟

   تستهبل انته شو ..
   ياخوي حشم السوق واصحابه نحن مب ياهال جدامك يالس تلعب بالاسعار على كيفك
   في ناس تجار فهالموقع رؤوس اموالهم بالملايين بارك الله فيك
   مب فاضيين يلعبون ويا اللي من اشــكال حظرة جنابك

   ..
   والسموحه يالمشرفين على كلامي ..
   بس اتمنـى تسووله باند هذا .. عارض رقم 05666666** بـ 10 الآف
   واصلاً هالشبـكه مب نازل منها الا رقم وعند فــلان
   والحين بخس سعر الريال والحين بدخل مواضيعه وردوده بشوف شو موضوع الأخ

   __________________________

   ولصاحب الموضوع رقمك ممتاز وانا عندي نفسه بالضبط شارنه من زمااان بـ 18 الف درهم
   xyyxyxy
   وعطيتـه لـ شخص يستعمله وما افكر ابيعه لأنه صدق ممـيز

   يعطيك العافيـه والله يوفقــك

   يا اخوي 4444 هدي هدي اعصابك

   هذا السوق عرض و طلب و من حق الدرعي

   يقول سعره بدون استهزاء و اعتقد مبلغ 20,000 الف درهم

   مب تقليل من السلعه و انته بروحك قلت عندك نفس الرقم شارنه

   بـ 18,000 الفد درهم يعني ممكن الريال شارنه بنفس سعرك او اقل

   لو قاله بشتريه من عندك ب 2000 بتقول فيها و ما فيها

   و بعدين الدرعي ما لعب بالسعار السوق عرض و طلب

   و كلامك الثاني انا موافقك عليه انه هالشبكه مب موجوده

   و اعتقد المشرفين لازم يقومون باللازم و يتاكدون من الموضوع

   و عشان الريال انا اقولك شراي رقمك بـ 22 الف درهم كاش

   اذا لك خاطر تبيع تراني شراي

   و السموحه منكم
   

Comments are closed.