السلام عليكم,
ما ادري اذا انا ماخذ الفكره الغلط او لا … بس ما تلاحضون انه من بدى سوق الاسهم ينزل .. سوق السيارت نزل و ما عاد نشط مثل قبل ؟
يعني السيارات نزل سعرهم و اصحاب المعارض وايد مستوين طيبين ! فل اول لو تحبه على راسه يالله يالله ينزل 500 درهم الحين السيارات راكده مكانها و الجماعه مستعدين ينزلون 10,000 و فوق !!!
بصراحه حتى قسم البيع في المتندى .. تكتب موضوع و ترجع بعد ساعتين ما تلقى اي رد …
فعلاً الوضع مب طبيعي .. و صار كل شي مرتبط بلاسهم .. حتى العقار !!:^15:
لكن احب اركز في موضوعي على سوق السيارات فقط …
كوني انا واحد من المتضررين بهذا الشي ..:3rsa:
ارجو من ربعنا و اخوانا يشاركون في الموضوع و يعطونا وجهت نضرهم في الموضوع هذا
و شكراً
سوق السيارات ينشط في الأجازة الصيفية و السفر.
سوق الدراجات ينشط في أجازة الربيع و الأيام هاي.
سوق الأسهم و العقار ( طاش ما طاش )
هالكلام سمعته كثير من المعارض “السوق نازل ما في زباين والحال تعبان والاجارات عاليه” في
السنه الماضيه لما بدات الشركات اليديده بالاكتتابات.
ما دام الناس كلها مشغوله الاسهم والاسهم الله يعينكم اهل المعارض.
ولا والناس تاخذ سلفيات من البنوك عشان الاسهم.
الله المستعان
شباب…بكم اللمبورجيني الجلاردو الوارد؟؟؟
اغلا من الخليجي !!
اذا تدور في واحد من الشباب عنده جلاردو يبا يبيعها …
اضن 2004 ماشيه 25,000 كم (حسب معلوماتي) و الريال طالب فيها 420,000 درهم
لونها اصفر
شوف جرب تدور في موقع http://www.mobile.de عشان تاخذ فكره عن اسعار الوارد