اتصدقون من البارحه مب قادره ارقد عدل ،
ومقهوره موووووت منكم يا الرياييل
مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه
اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي
يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،
البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
اتعرفون شو صار فيني ،،،،
دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !
الحين عاد بتطلع فئة انصار الزواج من الثانيه وبيقولون له اسبابه
شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،
اتصدقون والله رديت البيت وانا فيني غبنه ،،،
واقول
احس الرياييل مالهم امان
خبروني ليش الرياييل يسوون جيه ليش !
وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته
اكره الريال الاناني اللي يتزوج على حرمته
وفي النهاية (مالكم امان يا الرياييل ) 
ثانية و ثالثة و رابعة بعد.. شو المشكلة دام انه الشرع محلل إذا عدل من بينهم؟
1-و لكن و بكل صراحة، اذا الحرمة مش مقصرة في حق ريلها من الصعب جداً جداً انه يفكر في غيرها..
2- اغلب الحريم و للأسف مع مبدأ خونني و لكن لا تتزوج علي، الله يرحم زمان اول، الريال و كل حريمه في بيت واحد و لا تفرقهم لا فلوس و لا العيال و كل وحدة تربي عيال الثانية لا ضغينة و لا مقت و لا كره.. تعلموا من جيل آباءنا و آجدادنا..
أول مـآ قـريـت العـنـوآن فجيت عـنـونـي هـيـكـ
قـلـت فـ خـآطري وآحليلهآ خويتي “
يورسول” .. مـآ تستـآهلأثره تخيل “حريَمـ“
يـآ مآمآ ليش تتخيلين و تخوفينـآ ..!
أمس دآقين بآب بيتنآ .. لـآ تخربين تفكيرنـآ ..!
احمـ احمـ
حبوبـة دآمـ إنج مب مقصره في حق ريلج و قـآيمه بـآلوآجب فـلـآ تخـآفين
أللـي مقصره في حق ريلهـآ خلي الخوف لهـآ
و دآئماً فكري في سلبيـآتج عسب تقدرين تحولينهن للـإيجآبيآت
يتني البارحه مليون فكره وفكره وقررت اني البسة الباب واقوله ( روح الله حسيبك )
غـلـطـآنة .. لـآ تتخلين عن ريلـج في هآللحظـة عسب الثآنيـة في هآلوقت حطي فـ بآلج “هذآ الميدآن يـآ حميدآن“
و امسكي ريلج من أذنـه
عسى ربي يسخر لج ريلج و يسعدج و يهنيج حبوبة
دمتِ بـ سعـآدة
__________________
كلام جميل الرياييل مالهم امان هذا الكلام الجميل من و جهت نظر و احده فقط
الكلام الاجمل ان نسمع الطرف الاخر ( الرجل ) شو السبب يمكن سبب يخلى الحجر ينطق هب يتزوج بس ؟؟؟؟؟؟؟؟!!!!!!!!!!!!!!
انا مب من انصار الزواج من ثانية بل من ثالثة
وما سالتي نفسج هي في شو قصرت ؟
شو اللي خلاه ياخذ مغربية ومب بنت البلاد ها اكبر دليل انه عايفنها ..
الريآل لو محصل راحته وياها ما بيسير يجوف غيرها ..
ولا تقارنين نفسج فيها .. والواحد يكون واثق من نفسه
ولو بغى يعرس اهم شي يعدل بين الثنتين … اما لو موب عادل فهذا كلام ثاني
هالزمن مليان فتن .. والواحد يحصن نفسه احسن من الوقوع فالحرآم ..
………………
ما ادري ليش الحرمة من يعرس ريلها عليها خلااص تحس انه نهاية العالم .. وما بتهتم فعمرها .. عيالها وبس ؟
الله المستعآن
اخاف ارد الرد اللي يا في بالي على طول
تزعلييين
كنت بقول لو انا ريال بعد بتزوج على زوجتي !!
المهم
لا تقيسين ..كل حد وضروفه
ما تدرين بخبايا العلاقات بين الزوج والزوجه
والله حلل اربع ,,فشو المانع
بس من وجهة نضري اللي ياخذ وافده على حرمته ضعيف شخصيه ما يقدر يواجه المجتمع بالزواج الثاني
وفي نفس الوقت تشيييب
لانه ما اختار الافضل اختار الاسوء!!!!