اتصدقون من البارحه مب قادره ارقد عدل ،
ومقهوره موووووت منكم يا الرياييل

مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه

اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي

يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،

البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!

اتعرفون شو صار فيني ،،،،

دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !

الحين عاد بتطلع فئة انصار الزواج من الثانيه وبيقولون له اسبابه

شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،

اتصدقون والله رديت البيت وانا فيني غبنه ،،،

واقول

احس الرياييل مالهم امان

خبروني ليش الرياييل يسوون جيه ليش !

وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته

وفي النهاية (مالكم امان يا الرياييل )

244 thoughts on “ريلي أتزوج علية :(”

  1. طال عمرك الباقين في الدوامات … بس من يرجعوا
    ويفتحوا الموضوع بندخل في المرحلة المسائية ..
    الباقين كثار لا تخاف … وانت عارفهم

    ههههههههههههه كيف ماعرفهم هع هع

    عيل بنتريا الجلسه المسائيه بس هذا لو طويل العمرر شيخ الشبااب القائد الاعلى للمنتدى ما قفل الموضوع
    __________________

  2. لا حوووووووووووووووووووول

    اصلا انا ضد فكرة الزوااااااااااااج بالمره

    الدنيااااااا مافيها اماااااااااااان

    الوحده تقعد بيت اهلها معززه مكرمه ولا تعيش او تنحط بهالموقف

    وهالريايييل بدون سبب ياخذون الحرمه الثانيه << ياحبهم للتغيير

    انا ماقمت اامن فيهم ف هالزمن

    الله يعينها والله .. كسرت خاطري

  3. الشرع محلل أربع..

    وانتهى الموضووع..

    وأنا لو بغيت أتزوج الثانية محد بيمنعني أبدااا..

    لا أهلي ولا أهلها له حق يتدخل..

    وما بروح أتزوج من وراها ولاشي مثل المسلسات..لأن هالشي يعدم الثقة..

    وأتخسي كان اتزوج غير بنت البلاد..وأهم شي كل وحده تحترم الثانية ولا كل وحده تعرف بيت أهلها وين..

    بس بصراااحة..

    أنا ما أفكر أخذ الثانية بتاتا…

    لأن ما أحب الصدعه عوار الراس والمشاكل…

    احنا وحده ويدوب نفضى ..عيل لو اثنين بكون الواحد طول اليوم يقضي الواجبات المنزلية…كككككك

  4. أنا ودّي أعرف .. ليش هالموضوع بالذات مسبب قلق بالدنيا .. ؟؟


    ما ادري ليش الحرمة من يعرس ريلها عليها خلااص تحس انه نهاية العالم .. وما بتهتم فعمرها .. عيالها وبس ؟

    ونفس التساؤول ..

Comments are closed.