بسم الله الرحمن الرحيم
السلام عليكم و رحمة الله و بركاته
زبائن زيت شما الكرام
مبروك عليكم البئر الثاني في حملة زيت شما الخيريه السابقه
طبعا كل اللي شاركونا في وقت الحمله يمعت تبرعاتهم و تبرعت بهم لاعمال الخير
و شفتو البئر الاول في الموضوع السابق و كان في مصر
و هذا البئر الثاني و موجود في سيرلانكا
كل الشكر اقدمه للزبائن و الزبونات اللي شاركو في الحمله و استمتعوو بعملكم الخيري بالصور
في النهايه احب اقول كم شي…اولا بعض الاشخاص قوم بو تفكير محدود يقولولي انتي تتخققين يعمل الخير..احب اقولهم لو ببيزاتي بنقول بعد…البيزات اللي صار فيها عمل الخير هذا انا ما ساهمت فيها بربع درهم حتى..هاي المبالغ تبرعو بها زبائن زيت شما و لهم الحق يشوفون و يتأكدوون من اللي صار بالبيزات اللي تبرعو فيهم
ثانيا بعض الاخوان و الاخوات يراسلوني لطلب زيت شما و يطلبون اني احط بيزاتهم في المشاريع الخيريه ..السموحه منكم..و الرجاء الانتظار لين المشروع الخيري الياي اذا تبون اتبرع من بيزاتكم..بس لا تشترون و تخلصون و عقب تقولون والله تبرعي….و عقب يتم في ذمتي و حد ناس انساهم و حد اتخربط
و السموحه منكم
و باقي مشروع واحد في انتظار صوره
بصراحه يا اختي ممتاز .. هذا في شخص مثلج بهذا الزمن ترانا بخير.. وبالعكس يااختي .. انشري ووزعي الصور واتباهي بهذا العمل .. على الاقل انتي تتباهين بتجارة مع رب العالمين .. وغير يتباها باغاني ولا رقص ولا غيره .. وثاني شي الله قال.. (( سرً وعلانية ) يعني ما فيها شي ونحنا محتاج حد يسوي الخير وانشره .. افضل من شوف الرقص واليوله وغيره منتشر.. شدي حيلج نبقي هذي السنة اجازات اتبان في المنتدى لانه اول مرة اشوف اسلوب بهذي الطرق وخاصتا في البزنس بهذا الاسلوب .. بالتوفيق ان شاء الله
جزاك الله خير
كل مشروع(فية مشاركين) مبروك
آمين يا رب و جميع المساهمين و المساهمات
تسلم اخوي
عسى الله يوفقك ويكثر من امثالك على عمل الخير
ربي يوفقج لعمل الخيييييييييييير و يوسع رزقج و يغنييييييييييييج من فضله و يكثر زبااااااااااااينج .. ^^ .. و يكثر حسنااااااااتج .. و ان شا الله هالمشاريع تؤجرين عليها لأنه الدال على الخير كفااااااااااااعله و ما شا الله عليج ما قصرتي ..