بسم الله الرحمن الرحيم
السلام عليكم و رحمة الله و بركاته
زبائن زيت شما الكرام
مبروك عليكم البئر الثاني في حملة زيت شما الخيريه السابقه
طبعا كل اللي شاركونا في وقت الحمله يمعت تبرعاتهم و تبرعت بهم لاعمال الخير
و شفتو البئر الاول في الموضوع السابق و كان في مصر
و هذا البئر الثاني و موجود في سيرلانكا
كل الشكر اقدمه للزبائن و الزبونات اللي شاركو في الحمله و استمتعوو بعملكم الخيري بالصور
في النهايه احب اقول كم شي…اولا بعض الاشخاص قوم بو تفكير محدود يقولولي انتي تتخققين يعمل الخير..احب اقولهم لو ببيزاتي بنقول بعد…البيزات اللي صار فيها عمل الخير هذا انا ما ساهمت فيها بربع درهم حتى..هاي المبالغ تبرعو بها زبائن زيت شما و لهم الحق يشوفون و يتأكدوون من اللي صار بالبيزات اللي تبرعو فيهم
ثانيا بعض الاخوان و الاخوات يراسلوني لطلب زيت شما و يطلبون اني احط بيزاتهم في المشاريع الخيريه ..السموحه منكم..و الرجاء الانتظار لين المشروع الخيري الياي اذا تبون اتبرع من بيزاتكم..بس لا تشترون و تخلصون و عقب تقولون والله تبرعي….و عقب يتم في ذمتي و حد ناس انساهم و حد اتخربط
و السموحه منكم
و باقي مشروع واحد في انتظار صوره
يزاك الله خير اخوي على التشجيع و ان شاء الله تشوفون مشاريعنا القادمه
ماقصرتي يا دبي بيبي..
يزاج الله خير..
وفي ميزان حسناتج..
جزاج الله خير .. وجعله في ميزان حسناتج ..
………………………………………….
ليس غريب على دبي بيبي هذا الانجاز فهي من اصحاب الايادي البيضاء
أسمحيلنا نكتب قصيده اونه قصيده هههههه بعض الابيات
تقول عفاري وعفاري صادقه
اليوم ينا نهنيكم بطويكم اليديد…….يازين أفعالكم والله يزيد عطاياكم
نحمد الله فرحتو فقراء من بئس شديد….وهذي ميزه من مزاياكم