زواج مواطنة من ابناء الموطنات …. ؟!!

59 thoughts on “زواج مواطنة من ابناء الموطنات …. ؟!!”

1. الزواج قسمه ونصيب بس اظني النصيب واظح من عنوانه شو حادني بالعثره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟لي تبا مواطن هكن الخطابات يا كثرهن والله

   والمواطنين على قفى من يشيل

   لا اخوي في وايد مواطنات ما محصلين حتى بالخطابات

   ها من اسبوعين حاضرين ملجة ناس مزوجين بنتهم لعماني البنت عمرها 35 وكانت تتريى المواطن اللي ما ياها

   اخوي راعي ظروف الناس الله اعلم بحالها وحال غيرها

   واذا المواطنة اختارت غير المواطن الله يهنيها ويوفقها نحن نتمنى الخير لها وعيالها اكيد ما بيحصولو الجنسية ويتبعون ابوهم ما عليها كلام

   بس في ناس اصل وفصل مب زين تعمم وتنزل من قدرهم بهذي الطريقة يعني جنسيات مثل العمانيين معروفين بطيبهم واخلاقهم وطبعا انا مب قصدي على جنسيات برع دول الخليج

   يعني شبابنا ما خلو جنسية ما تزوجوا منها حتى الصينية تزوجوها ومستخصر عيال العرب عليها الله يهداك

2. الزواج قسمه ونصيب بس اظني النصيب واظح من عنوانه شو حادني بالعثره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟لي تبا مواطن هكن الخطابات يا كثرهن والله

   والمواطنين على قفى من يشيل

3. لي بايعه عمرها برخص في سوق السمج تروح تتزوج وافد وابا اشوفها عقب كم سنه عقب ما تنجب اطفال بتشوف هالوافد كيف بيطلع وجهه الصدقي بتستوي هي الريال وهو الحرمه هي تصرف على عيالها وعلى البيت وعلى اهله لي يمكن لي فبلاده بتطرشلهم

   كل لي تزوجن وافدين هاي حالتهن عقب ما تييب عيال هذا لو ما طلع مال مخدرات ولا شريب ولا نصاب يصرقها وابا افهم ليش الريال ما يتزوج بنت بلاده؟؟ هاي ربيعتج بصراحه مغفيه
   اذا شباب الامارات الحين قلة لي يتزوجون وافدات لانهم تعلمو وعرفو انه بنت البلاد ماشي احسن عنها

   ومحد يسواها وكل ربعي لي تزوجو وافدات حاليا ندمانين ..اكثر من حاله شفت مواطنه متزوجه وافد من مركز الشرطه للمحكمه ولا رايحه الدعم الاجتماعي

   المشكله العيال بياخذون جنسية ابوهم ومستحيل الدوله بتعطيهم جواز الامارات وحتا حياة الزوج بتفرق معاها وايد المواطن يطلعله بيت او ارظ وراتبه قوي ويقدر يفتح محلات ويكفل. المواطن هاي بلاده ومن حقه كل هالامور..لان هاي بلاده مافي مقارنه بينه وبين الوافد ابداا

   والعيال باجر ممكن حد يطيح فمشكله مثلا لو بسيطه بقول مغازل والله عادي يتسفر او زوجها مثلا شو بتسوي هي عقب
   بصراحه انا اعتبر زواج الوافد من المواطنه مصلحه .. مش زواج يدوم العمر كله ولا فيه استقرار ولو هي حابه تتاكد تروح وتشوف وتيلس معا وحده متزوجه وافد وعندها عيال بتشوف كيف حالتها جسيفه

   اخوي الزواج قسمة ونصيب

4. العيال هم اللي بيتاثرون ولا انتي واللي بتاخذينه مستفيدين

   اخويه اللي قال بايعه عمرها فسوق السمج ؟؟؟ عشان تستر على عمرها وتبعد عن الحراام يعني
   بذمتك بتم تحط ايدها على خدها وتتريا حظرة المواطن لين يدق الباب .. النصيب والارزاق من الله

   واللي كتبه ربي بيستوي

   الغاليه صلي استخاره وشوفي ربج شو يبالج .. واذا كان خير الله يقربه لج واذا شر يبعده عنج
   سلامي

5. خليها تصبر وان شاء الله بييها ولد بلادها ما وقفت الدنيا كلها على هالوافد لي متقدملها واكيد ولد بلادها احسللها

   هي الحين يمكن عايشه مرتاحه وفي مستوى معين بتروح بيت ريلها بتعيش فمستوى اقل بوايد ويوم بيطلع ويه هالريال الحقيقي وبتشوف طبعه الصدقي بتتندم وبتصفق عمرها بنعل على ويها وبتقول انا كنت مغمظه مدمغه يوم خذته وساعتها ما بيفيد الندم.. حرام تظلم عيالها معاها بصراحه هاي هب صاحيه عنبو معقوله ماشي ريال فالبيت عنده مخ وعقل ويعرف الدنيا

Comments are closed.