السلام عليكم و رحمة الله و بركاته
أخواني ان شاء الله تجاوبون على استفساراتي
في مشكلة الزواج من غير مواطن (امه مواطنة)
بنت خالتي مواطنة أصل تقدم لها ريال عماني الجنسية ملتزم (من ابناء المواطنات)
الريال امه مواطنة بس ابوه عماني ( ابوه منفصل عن امه من زمان)
البنت خايفة لانها تشتغل في هيئة حكومية – ابوظبي و ما تقدر تودر شغلها لانها ما تعرف كيف تعامل المواطنة يوم تتزوج عماني
كيف بتكون خلاصة القيد بروحها ؟
و امور ثانيه ما تعرفها مثل حقوقها كمواطنة كيف بتكون ؟
و هل فيه انواع من الوظايف تشرط انه الزوج يكون مواطن ؟
و اذا يابت عيال كيف دراستهم و علاجهم بيكون ؟
البنت صلت استخارة بس بعدها مترددة و ما تعرف ترفض الشخص و لا لا
اسمحولي لاني ما عندي فكرة و لا علم … و انتظر تساعدوها بنصايحكم و تجاوبون على استفساراتها
عاشق بوظبي هب كل المواطنين متزوجين لبنانيات زلميات مثل ما انت تقول وبرجع بقول زواج الوافد من المواطنه مصلحه نعم مصلحه انا مش يايب شي من مخي ومنو قالك بيسلمونهم جوازات ربيعي امه مواطنه وعمره 33 سنه والله وللحين ما سلموه جواز ..اتمنى يعطونه والله يوفقه فحياته
بس حرام الووحده تعيش على امل ويخيب املها عقب واتم تتحسر وكل يوم فالتلفزيون وفي استوديو واحد ومحتشرين
انا اتكلم عن الحالات لي شفتهن بعيني اكثر من مواطنه متزوجه وافد عقب ما تييب عيال عقب كم سنه ينعرف انه زواج مصلحه وتطلع عينها انا ما ارظى لبنت بلادي تتبهدل ونا ما انتقدت عماني ولا بحريني انا اتكلم عن بنت بلادي لي بتتعب عقب وبتصرف على ريلها وعلى عيالها والهل اعرف وحده تصرف الحين على زوجها وعلى ام واهل زوجها ابا افهم وين الرجوله الحين منو الريال فيهم كله مصلحه
ياخي الحياه غالية شوف زوجها كم بيدفع ايجار ومصاريف يعني حياتها بتتغير ما بتعيش بالعز لي كانت عايشتنه في بيت هلها هذا لو ما نصب عليها وشرد ..الا لو ناويه تروح بلاده تعيش معاه
انا برجع بقول ما ارظى لبنت بلادي تتبهدل لاني شفت وايد مواطنات متزوجين وافدين وحده نصب عليها وسافر والثانيه نصب عليها بعد ما امنت فيه وخذ كل ما تملكه.لي شاف العز وشبع غير عن لي ميت جوع ولي يبا يتاكد من كلامي يروح يشوف وحده متزوجه وافد وعندها عيال كيف تعبانه فحياتها مسكينه مافي وجه مقارنه بين لي متزوجه مواطن ولي متزوجه وافد
اذا كان للاسف اكثر الوافدين يكرهون المواطنين انا ما اقول كلهم لاكن شي نسبة كبيره تكره وتحقد عالمواطن اصلا و كان الكل يتكلم عن هالموظوع فالدوامات وكيف يطفشون المواطنين هالوافدين ..كيف عيل زواج ونسب هالوافد ليش ما يتزوج بنت بلاده؟؟؟ ليش يعني مواطنه ؟؟انا في نظري الحين الدوله موفره كل شي ولي تتزوج وافد ماعندها شخصيه ناصبين عليها او مسحوره مقصه
1_هل الوافد لي متزوج مواطنه لو طاح فمصيبه ما يتسفر؟؟ هل على راسه ريشه يعني؟؟
2_ هل الوافد يقدر يسوي عرس ويدفع فيه ثلاثمئة اللف او اربعمية الف مثل عرس المواطن ويدفع مصاريفه
انا ما ارظى على بنت بلادي تتبهدل وبعد خمس او سبع سنوات اتم اتصيح على حظها الحريم طبيعتهم يغارون ويشوفون بعظ اكثر من الرياييل باجر يوم بتشوف حظها العاثر وحظ غيرها بتتندم اكيد
مشكلتنا شعب الامارات شعب طيب جداا والحمدلله على كل حال لاكن ما توصل لهالدرجه
الحمدلله شي شباب مواطنين ملتزمين وايد واخلاقهم زينه مب كل شبابنا يفكر فلبنانيه مخصره ولا وافده انخله
نحترم كل جنسيات العالم لاكن مب شرط نتزوج منهم وينصبون علينا وعقبها ما يفيد الندم
وبرجع اقول لي تتزوج وافد هاي مقصه واهلها بصراحه مافيهم ريال قلبه على اخته واهله
والايام هي لي بتثبت هالشي لي بايعه عمرها برخص تروح تتزوج وافد وابا اشوفها فالمستقبل كيف مابه اسمعها متصله الراديو محتشره ريلي وعيالي انا ما اعيب والعياذ بالله على حد بس هذا بيكون حالها باجر بتستوي هي الريال لي يتحمل كل المسؤووليات وريلها زينه تعلقه عالباب
الحمدلله بلادنا فيها خير والكل يبا ياكل من هالخير بكل الطرق حتا لو بيتزوج عيوز مغبره المهم يقدر يطالب بجواز او غيره يكون له حجه
والي فهم كلامي فهم والي ما فهم مصير الايام تعلمه
جاو
والله شياختي ما في فرق بين العماني أو الإماراتي الأصل واحد والعماني في النهايه خليجي مب وافد ومثل ما الإماراتي يحصل امتيازات في الإمارات بعد العماني يحصل امتيازات في عمان مثل الأرض وقرض أسكان ودراسة جامعية مجانية وعلاج مجاني وغيره وعلى فكرة في عمان محد يهتم يشتغل في الإمارات أو يعيش في الإمارات غير أهل المناطق الحدودية القريبة من الإمارات إما الباقين يفضلون يشتغلون في عمان حتى لو يغسلون سيارات في النهاية يفضلون ذل أهلهم ولا الغير ، ومن فترة 3 سنوات أعرف وحدة مواطنة سمعت أن أختها تزوجت هندي ووقعت على تعهد أنها ما طالب على جنسية لعيالها مستقبلاً وقعت وهي طايرة من الفرح المهم أنها تكون قريب من الشخص اللي تحبه ويحبها ويحترمها بغض النظر عن الجواز في النهاية هذى حياتها هي أذا نجاحه هي بتعيشها وإذا فاشلة بعد هي بتعيشها الحين، أختي محد لحد الحين الناس الكل يقول نفسي نفسي حتى الحياة الاجتماعية الحين ذابت ومب موجودة حتى الجار اليوم انتى ما تعرفينه ، ومن أيام بصدفة اسأل عنها قالوا أن فلانة عندها طفلين وكلهم يحملون الجنسية الأمريكية وأنا تفاجاة من هذا التخطيط يعني هذا أن كل شي كان مدروس من الخطوة الأولي هي وزوجها قرروا قبل الزوج أن عيالهم ينولدون هناك في أمريكيا بلاد الحقوق وأمريكيا تعطي الجنسية اتوماتيك كانج تأخذين شهادة ميلاد لكل من ينولد على أرضها، والباقي تعرفونه عايشه وياه في سبات ونبات ومخلفة منه صبيان وبنات والله يسعدهم ما دام هي مرتاحة
يالهاملي
الله يهديك
تدري ان الامارات ثالث دوله من الدول العربيه ( بعد مصر والسعوديه )
من ناحية نسبة المطلقات والعوانس
خلنا واقعيين – وين المواطنين اللي يتزوجون مواطنات !!!!
بنسبه قليلة جدا جدا ( يفضل المغربيه واللبنانية …. والجمال المؤقت )
وتقولك الريااال موظف حكومي وبوظيفة مميزززة – وعماني – ( وليس زلمه يدور مصلحه وفلوس )!!
ومعلومه مهمه – الشيخة فاطمه ( الله يطول في عمرها ) – مهتمه حاليا
بموضوع المواطنة المتزوجه من غير مواطن – وموضوع ابناء المواطنات ( وسيحصلون عالجوازات قريبا )
ولو عندك معرررفه بديوان الرئاسه سيخبرونك !!!!
اتمنى المواطن لا يتزوج إلا مواطنه والعكس – واتمنى تكون هناك جهه حكوميه او خيريه
تجمع بين الطرفين – وتقوم بدور الخطابه – بكل سريه – وتنحل هذه المشكله الكبيرررره !!!!!!!!!
انتي قلتي هاي عمرها 35 ما اللومها عيل مسكينه لاكني اتكلم عن لي اصغر منها
والخطابات وايد والله يا كثرهم لي بيدور وبيسئل بيحصل بعدين عماني كان او شو جنسيته بعدني بقول حلاة الثوب رقعته منه وفيه ونا والله ما شفت مواطن متزوج صينيه عقولتج انتي كلامج غريب والله والحين اصلا شباب الامارات نادر منهم لي يتزوج وافده بالعكس اكثرهم ياخذون من بنات لبلاد لان الظروف تساعدهم هذاك قبل ايام الفقر ما اللومهم كانو يتزوجون مصريات وحتا هنديات الحين الحال تغير ..وبعدني بقول زواج الوافد من المواطنه مصلحه وزواجات فاشله لانها تبنى على المصالح والله يعين لمواطنه لي بتتزوج وافد ويعيين عيالها .. وان شاء الله ما تصفق عمرها بنعل من كثر الندم
هاي نتيجة الخقه يوم ئيي المواطن يلعنون بو صيره من الطلبات اقل شي يخسرله اربعمة اللف عالعرس
ماظني هالوافد بيدفع لي دفعه المواطن هذا لو ماكان شريب خمر وراعي فلبينيات وسوابق