السلام عليكم و رحمة الله و بركاته
أخواني ان شاء الله تجاوبون على استفساراتي
في مشكلة الزواج من غير مواطن (امه مواطنة)
بنت خالتي مواطنة أصل تقدم لها ريال عماني الجنسية ملتزم (من ابناء المواطنات)
الريال امه مواطنة بس ابوه عماني ( ابوه منفصل عن امه من زمان)
البنت خايفة لانها تشتغل في هيئة حكومية – ابوظبي و ما تقدر تودر شغلها لانها ما تعرف كيف تعامل المواطنة يوم تتزوج عماني
كيف بتكون خلاصة القيد بروحها ؟
و امور ثانيه ما تعرفها مثل حقوقها كمواطنة كيف بتكون ؟
و هل فيه انواع من الوظايف تشرط انه الزوج يكون مواطن ؟
و اذا يابت عيال كيف دراستهم و علاجهم بيكون ؟
البنت صلت استخارة بس بعدها مترددة و ما تعرف ترفض الشخص و لا لا
اسمحولي لاني ما عندي فكرة و لا علم … و انتظر تساعدوها بنصايحكم و تجاوبون على استفساراتها
هي بالنسبة لها مافي شي بيتغير ولكن المشكلة عيالها … باكر لكبروا ما راح تكون لهم الفرص المتاحة للمواطنين مثلا الدراسة الجامعية والوظائف واذا اشتغل راح يعامل معاملة الوافد ومافي اي امتيازات للخليجيين الا في القطاع الخاص حيث ان يساوى في الراتب مع المواطن على ما اظن والله يوفقها
اعتقد العيال بيتاثرون وايد فقط لاغير
طبعاً تنسى منح البيوت وتنسى صندوق الزواج وتنسى الامتيازات الثانيه من منح دراسية واراضي
وهاي الاشياء مهمة جدا ياختي هاي الايام .
اذا الريال خيير والامور طيبه وحالته ميسره وقادر انه يعيشها احلى عيشه خليها تتوكل على الله
اما اذا العكس فاقوللها لاتستعيل . وان شاء الله بيي نصيبها .
ومحد يقدر يفيدها كثر الي ماخذات من مجلس التعاون .
من وجهة نظري اذا الريال والنعم فيه ومقتدر الامور بتكون طيبه .
والله يسهل عليها ويرزقها الريال الي يخاف الله فيها .
القوانييين تغييرت اظني ؟؟؟؟؟؟؟
اللي اعرفه عادي الجواز ماينسحب ولا الشغل ياثر لانها ماخذه خليجي لو عرب ينسحب الجواز
وياخذ كل امتيازات المواطنين