السلام عليكم و رحمة الله و بركاته
أخواني ان شاء الله تجاوبون على استفساراتي
في مشكلة الزواج من غير مواطن (امه مواطنة)
بنت خالتي مواطنة أصل تقدم لها ريال عماني الجنسية ملتزم (من ابناء المواطنات)
الريال امه مواطنة بس ابوه عماني ( ابوه منفصل عن امه من زمان)
البنت خايفة لانها تشتغل في هيئة حكومية – ابوظبي و ما تقدر تودر شغلها لانها ما تعرف كيف تعامل المواطنة يوم تتزوج عماني
كيف بتكون خلاصة القيد بروحها ؟
و امور ثانيه ما تعرفها مثل حقوقها كمواطنة كيف بتكون ؟
و هل فيه انواع من الوظايف تشرط انه الزوج يكون مواطن ؟
و اذا يابت عيال كيف دراستهم و علاجهم بيكون ؟
البنت صلت استخارة بس بعدها مترددة و ما تعرف ترفض الشخص و لا لا
اسمحولي لاني ما عندي فكرة و لا علم … و انتظر تساعدوها بنصايحكم و تجاوبون على استفساراتها
صدقت المشكلة في التربيه و العيال بيتعقدون اذا تمت معاملتهم معاملة الوافدين و يشوفون اهلهم كلهم اماراتيين و هم لا
في اسباب ثانية يمكن لانه كل اهله مواطنين !!! ما يقدر ياخذ وحده من جنسيته
كلامك صحيح اخوي ممكن في تبادل منفعة بس في النهاية الحرمة هي المستفيدة لانها في المقابل تحصل الستر
في مواطنات ما صار لهم نصيب مع مواطنين يعني الرياييل ييون يشوفوا ويروحوا بدون رجعة وتكون الحرمة وصلت لسن متاخر وتخاف يفوت عليها قطار الزواج
المشكلة مب في زواج المواطنة من جنسية ثانية
المشكلة تبدأ مع الابناء والتربية تشوف اهلهم يربوهم على اساس انهم اماراتيين لكن المفروض انهم يتربوا على جنسية ابوهم عشان ما يتعقدوا في المستقبل
ما انصحها …لان الزواج مبني ع مصلحه من طرف واحد !!!
السؤال .. ليش الريال ما خذ وحدة من جنسيته !!!
الجواب .. ما بيستفيد وبيكون هو المسؤول عن كل شي عكس
اذا خذ وحده مواطنه 80 % من المسؤوليه بتكون عليها !!!
مشكولر اخويه ع ردك