السلام عليكم ورحمة الله وبركاته
لو سمحتوا بغيت مشورتكم يا اهل الخبره
اختي زوجها الله يرحمه طلع له مرسوم ارض سكنية باسمه من كم سنة وباع المرسوم نتيجه لضائقة مالية
اللحين الريال اتوفى رحمة الله عليه ولكن في البلدية ما زالت الارض باسمه وانه يملك
فشو الحل ؟؟؟؟
اختي مب عارفه كيف اتقدم على ارض لانه في البلدية انه زوجها يملك وفي الواقع انه ما عنده شيء
شو الاجراءات اللي لازم اتسويها خاصة وانها عندها ايتام
الله يجزيكم خير انتظر ردودكم
اختي دام الشاري ما نقل ملكية الارض الى الان فاكثر الظن ان الارض لازالت من الناحية القانوية ارض منحة وغير قابله للتداول …من المؤكد ان زوج اختج قام بكتابة عقد بيع للارض لصالح المشتري ولكن السؤال متى كتب هذا العقد.. هل قبل اصدار قانون منع التداول على الارض المنحة الذي صدر قبل عدة سنوات او بعد صدور قانون المنع..فاذا كان العقد بين الشاري وزوج اختج تم قبل صدور القانون فاكثر الظن ان موقف الشاري القانوني اقوى كونه اشترى الارض حسب القوانين المعمول بها رغم ان الارض لم يتم استلامها من قبل زوج اختج لعدم جاهزيتها وربما هذه النقطة تؤخذ ضد الشاري ولصالحكم.. ولكن لو كان العقد الذي بينهما تم بعد صدور القانون فمن المؤكد انه عقد من الباطن لا يوثق ولا يؤخذ به في الجهات الرسمية وبالتالي فالشاري موقفه القانوني ضعيف لان مثل هذه التنازلات او البيع من الباطن مخالف للقوانين …اقترح عليكم ان توكلون محامي للنظر في المسالة وربما ستتمكننون من التوصل الى حل مرضي للطرفين خاصة اذا كان المشتري ولد حلال ويخاف الله ويعرف ان المسألة فيها ايتام وارملة…بالتوفيق اختي والله المستعان.
ليش التحسر بكلمة رخص التراب اذا صاحب المرسوم رحل من هذه الدنيا الفانية
انتي فقط عندج حل واحد اذا بتوفين بشي سواه زوجج قبل وفاته
المرسوم طالع بأسمج واسم ريلج ولا اسمه بروحه .
اذا عندج عيال تقدرين تكلمين الريال وتقولين له بشتري منك المرسوم بلسعر السوقي الان وبشكل عام السعر السوقي افضل من شراء ارض متداولة كونه يعتبر رخيص
اما اذا رغبتي بباب التحايل و نكث العهود والمواثيق فهناك ابواب اخرى للظلم تقدرين تستخدمينها
ارباب
__________________
الله يجزيكم خير على ردودكم
شكلها شغله طويييييييييييييييله وما بتخلص
والله الريال ما اظن بيرجع المرسوم اشتراه برخص التراب ؟؟!!!
الله المستعان
أنا أفضــــل أن أختج تقدم طلب جديد باسمها وأبنائها وتكتبون في الطلب قصة بيع المرسوم عشان الديوان يتفهم موقفكم ويمكن يعطونكم أرض أو بيت ثاني يكون باسم اختج مع ضرورة إرفاق الأوراق الثبوتية اللازمة مثل الجواز وخلاصة القيد وشهادة وفاة الزوج وشهادة لا يملك وصورة من عقد بيع المرسوم وأي شهادة بالمديونيات الاخرى …. والله يكون في عونكم
على حسب معلوماتي
انه دام طلعتله ارض وباعها خلاص ما يحصل غيرها
لكن حاولو تتصلوون بالريال اللي شاري المرسووم يمكن يوافق ويرجع مرسوم الارض (يتنازل) وتعطوونه فلووسه اللي دفعها