السلام عليكم
اتصلت فيني ربيعتي وهي تصيح.. ونفسيتها وايد تعبانه .. قالت لي قصتها واتمنى منكم تساعدوني لحل مشكلتها.
صديقتي متزوجه من عشرين سنة وعندها الحمدالله الاولا والبنات اكبرهم 18 سنة .. خلال سنوات زواجها … اكتشفت عدة مرات ان زوجها يخونها .. وتصير بينهم مشاكل بس ترجع وتقول شو اسوي ابو عيالي ولازم اصبر عليه .. المهم مرة من المرات طلقها زوجها .. وسارت هي تثبت الطلاق بالمحكمة
وانفصلت عنه لمدة سنة .. وبعدين حاول زوجها ان يردها وسار عند اهلها واخوانها … ف الاخير رجعت له
وانفصلت عنه لمدة سنة .. وبعدين حاول زوجها ان يردها وسار عند اهلها واخوانها … ف الاخير رجعت له
وبعد فترة من رجوعها حست ان ريلها ع علاقة بوحده .. ( التلفون ع الصامت اذا هو ف البيت ، يظهر من البيت وايد ، كله يعصب عليها ، مب طايق العيال ، او اي كلمة منها ) المهم صارحته بشكوكها .
وكانت المفاجأة:
انه خلال فترة انفصاله عنها تعرف ع وحده وكان يظهر معاها وصار بينهم ما يغضب الرحمن وحملت البنت منه .. وبعدين تخلصوا من الحمل ..
بعد هاي المشكلة هو فكر وقال احسن شي ارجع حرمتي ام عيالي … وودر البنت .
بس البنت ما تخلت عنه تمت تلاحقه وتهدده اذا ما خذاها بتخبر اهلها .
احينه الريال يحاول يقنع حرمته انه ياخذ البنت ويتزوجها .. وهي رافضه هالفكرة ..
تقول انه تبا تنفصل عنه.
صديقتي وايد محتارة ..
هل توافق ان ياخذ البنت وتستر عليها
ولا
تنفصل عنه وكيفه اذا بياخذها
هل توافق ان ياخذ البنت وتستر عليها
ولا
تنفصل عنه وكيفه اذا بياخذها
تعبت من كثر ما تفكر وكل يوم تستخير وحالتها الصحية ف تدهور مستمر.
شوروا عليها شو تسوي بمصيبتها .
وجزاكم الله كل خير .
ثانياً ،، بالنسبه للبنت ،، مب مال ستر ،، لأنها فاسقه ،، وإذا فيها خير ،، خلها تخبر أهلها ،، وإذا وراها راياييل والله لا إييبون أجلها !!
خليـها تفهم زوجها ،، واتوعيه ،، لا اتقص عليه هالبنت بها التهديدات وهالكلام الفاضي !!
ثالثاً ،، ربيعتج مب مجبورة اتعيش بها الضيم !! وله مجبورة تتحمل غصة عديله !! لو بـدالها أقول له ،، ما أعيش مع ضره ،، ياه أنا ،، ياه هيه !!
وماظني بتخسر شي إذا ودرته !! ولا اتقولين بيت ينهدم ،، أساس البيت مب صاحي !!
والله يكون في عونها يارب
آآخ من رياييل هالزمن !!
والله يا خوي ما اعرف شو اقولك بس وضعها جدا صعب .. هي تفكر ف عيالها وما تبا تبعدهم عن ابوهم..
وتفكر ف هالزوج اللي ما يتحمل مسؤولية اي شي وعايش بس لاهوائه الشخصية..
ف خاطرها تيلس مع حد وتاخذ رايه بالمسألة بكبرها لانها تحس انها مب قادرة تفكر وانا صراحة بس اسمع لها ما اقدر اعطي لها اي اجابات لاني اخاف راي ما يكون الراي السليم لصالح البيت والعيال
بس الود ودي … اجتل هالريال .. لانه غير مبالي حرام والله زوجته من احسن الحريم وبنت ناس ..
وتحملت الكثير معاه … بس الواحد شو يقول … الله يأجرها في مصيبتها ..
حاولت معاها .. ترضى بالامر الواقع ويتزوج البنت … بس هي رافضة الفكرة نهائيا.
وتقول : كان بامكانه انه ياخذ البنت … قبل لا يردها .. هي رافضة فكرة انه خلاها امام الامر الواقع.
الله يعينها.
السلام عليكم
الله يستر على المسلمين و المسلمات و يفرج هم الزوجه المحتارة
الزوجة هي ادرى بزوجها و هي ادرى بظروفها
البنت اللي يريد زوجها ان يتزوجها و يستر عليها بعد ما غلط معاها هل في نظر الزوجه ان هذي البنت تستحق الستر!!!
اذا كان زوجها اساسا لعوب فهل هذي البنت مسكينة و انقص عليها!!!
البنت تجرأت و ما خافت ربها و لا من اهلها و لا خافت على سمعتها
و فوق هذا قتلت نفس التي حرم الله قتلها يوم تخلصت من حملها
و بعد يالسه تهدد الزوج!!!
بصراحة علاقة معقدة خالية من اي مشاعر و حب!!!
قولي لصديقتج تستخير و تكثر من الدعاء و تصبر و تدعي لزوجها ان الله يهديه
اذا كان الزوج وجوده في حياتها وجود لا يطاق و وجوده كأب في حياة عياله وجود مدمر فمن الافضل انها تستشير شخص من اهل الدين و العلم بخصوص الانفصال
و ارجو منك يا اختي الفاضلة ان اتخبرينا بما استجد عند صديقتك و ان شاء الله تكون اخبار طيبة
دعواتنا لها
المشكله فيها اكثر من طرف مظلوم يعني الريال ظلم البنت وظلم الزوجه وظلم نفسه سؤال هل تقبل الزوجه بما حصل للبنت شرفها ضاع انا اشوف انه يتزوجها لانه كما تودين تودان خله يتزوجها وخلي ربيعتج تحط له شروط تحفظ حقوقها ولا تفكر في الطلاق لانه الريال ستر لها
واتمنى تنحل مشكلتها