اربيعتج الروح بالروح 
يت وقالت لج بخطبج حق ريلي بتوافقين 
مع العلم ان ريلها انسان فيه كل المواصفات اللي تحلم فيها كل بنت وما عليه قصور (خلوق ومقتدر ووسيم وولد ناس 
)
)وهي اختارتج انتي من بين كل البنات 
وانت عندك الجرأة 
اتقول حق حرمتك سيري اخطبي لي 
جاوبوا بصراحه 
هلا عــود معطر
قبل ما أجاوبج بسألج ليش الله حرم الجمع بين الأختين ؟
لانه بيصير قطيعة رحم بينهم وكانوا في تواد وتآخي اذا صارن ضراير ينسون الحب والرحم اللي بينهم !
هذي فطرة يا عود معطر
وصارت لي قصة قريبة من المثال اللي عرضتيه وهزأت ربيعتي على طيبتها الزايدة قلت لها لا انا ولا غيري هذا ريلج انتي وبس ! تحافظين عليه وتحطينه في عيونج ووقت اللي يبا يعرس يدور بروحه بس ما يستغل طيبتج تحت مظلة طاعة الزوج !
قمة السذاجة ان الوحدة تخطب لريلها واعتبرها تضحية كبيرة اذا وافقت عليها اي وحدة وبالمقابل بترد تتشكى وتقول ظلمني!
واللي بيقول حلال بنقوله نؤمن ونصدق ان التعدد حكمة بس لا تستغلون طيبة الحرمة اذا الله رزقكم وحدة مطيعة بزيادة واحفظوا كرامتها عن انها تعرض عمرها لموقف ما ترضاها اي انسانة لنفسها
تبا تتزوج سير الدرب مفتوح بس احفظ هالزوجة اللي ربك استرعاك اياها ووصاك بها رسولك ولا تستغل حبها الكبير وتطلب منها امور ضد طبيعتها “كأنثى” غيورة باسم الحب وانها لازم تطيعك !
لا والله
يابنت الحلال منو اللي يفكر ياخذ ثنتين فهالزمن
يعتمـد على قدرة الزوج أولا بالزواج من الثانــية..
و ثانيا على عقلية الزوجـة و ضروفها..و كل حالة لها وضـع معين و خاص جـدا..
لا يمكن التخمين في موضوع حساس و كبير مثل هذا الطرح..
.
يقولون في بعض البلدان العربيـة : الزوجة الثانية للقادر أو الفاجــر!
لو صارتلي،
لوووووووول.
^__________^
كمل شو لو صارتلك ……………….. ما بنخبر
__________________
لو صارتلي،
لوووووووول.
^__________^
بس،
ما كل ما يتمناه المرء يدركه … تجري الرياح بما لا تشتهي السفن