دبي (لوكل نيوز الامارات) 26/04/2010: قالت صحيفة غولف نيوز الصادرة الاثنين ان الشركات النفطية الاربعة في الامارات (ادنوك، ايبكو، اينوك، الامارات) تدرس زيادة اسعار الوقود شهر مايو المقبل بنسبة 15% لاسعار البنزين و 20% لاسعار الديزل.
…..
هذا كان ردهم للي احتجوا على الزيادة الاخيرة 
خلاص يابو سعيد خلنا نشوفك باجر قدوة لنا ولا تستعمل سيارتك .. تطلع من بيتكم و تمشي لين المكان الي يمر فيه الباص و تصف طابور فالشارع من الفير تترياه يوصلك .. عقب ينزلك عند نقطه التجمع وتكمل مشي ليين ماتوصل الدوام
وفالرجعه عادي اترياه تحت اشعه الشمس الحنونه اللطيفه
أو مثلا باجر لو حبيت تطلع ويا اهلك ليش تستعمل سيارتك ؟ … عادي سو نفس الحركه و اركب باص المواصلات وخل اهلك يركبون وياك .. مع جميع الخطوات السابقه
وخبرني النتايج عشان نقتدي فيك
ولا شو رايكم شباب ؟
استعملهم انت انزين قبل لا تتفلسف على غيرك
تفكيرك محدود جداً .. إلا اذا انت كنت مقتنع بأسباب الزيادة فهذا كلام ثاني
مع ان مالها اسباب
الحمدالله رب العالمين
الدوله سوتلكم مواصلات غير سيياييركم القطارات الباصات استعملوهم
وبلا رمسه زايده
هالله هالله بالسياكل
ليش عبالك الكامري الفل مالها رخيص ؟
الفل 105
وبعد الزياده اليايه 200 عادي
الحمدلله والصلاة والسلام على رسول الله وعلى آله وصحبه أجمعين