دبي (لوكل نيوز الامارات) 26/04/2010: قالت صحيفة غولف نيوز الصادرة الاثنين ان الشركات النفطية الاربعة في الامارات (ادنوك، ايبكو، اينوك، الامارات) تدرس زيادة اسعار الوقود شهر مايو المقبل بنسبة 15% لاسعار البنزين و 20% لاسعار الديزل.
…..
هذا كان ردهم للي احتجوا على الزيادة الاخيرة 
يعني والناس اللي على قد حالهم بيلحقون على شو ولا شو على مصروف عيالهم اللي بيصير الدبل ولا على الكهربه اللي بتصير الدبل ولا على البترول اللي صاير الدبل من زماااان وبيزيد ولا على الاكل اللي بيصير الدبل ولا على اللبس اللي بيصير الدبل ولا على شوووووووو وشوووووووو الله يعينكم بصراحه على هالشي لو حاسين بمعانات هالناس جان ماسووها ولا على الاقل يخصخصون الشي هذا علينا…. بس هالناس المحتاجه اللي ماعندها قدره على شي شو بتكون حالتهم رواحهم احينه يعانون من زيادة الاسعار الواحد لول كان يروح الجمعيه ويمزر السله ومايدفع غير كم اميه وحينه كيسه وحده وتدفع عليها مبلغ وقدره لا والقهر شو يقولون والله زدنا بس كم درهم وهالكم درهم اللي زادوها على البترول يزيدونها على كل شي نشتريه وندفع عليه فلوس دبل والله يكون بعونكم وبعون الناس اللي على قد حالهم
الله يعينا ويصبرنا
شكلنا بنرد ع زمان اول
كل واحد بياخذ له حمار وبيربطه جدام الباب وانتو بكرامه
والامور طيبه لابترول ولا عوار راس خخخخخخخخخخ
no problem
اكيد بيزيدونه من حقهم لانه نحن لانهش ولا انش ومثل الاطرش بالزفه روح روح تعال تعال بس عيبني هذا يوم قال اونه عسب السوق العالميه يابوي هذي دوله مصدره والحمد الله اللي فيها يغنيها عن الشي هذا بس الله كريم يعني كل الاسعار بترتفع الدبل والناس بتزعل يومين وعقب بترضا الله يعينى ان شاء الله لين متى بنتم جي حاطين يدينا على حلوجنا زادو بالاسعار قلنا ماعليه سوو رقابة للاسعار قلنا فيهم الخير هههههههههه الله يستر من الياي هذي وجهة نظر والله يعينكم ويعينا
والله لو سعر البترول في السوق العالمي نزل والله ما ينزلوونه عنا بيتم نفس الشي
وعن الرياال الا بيسوي احتجاج ومظااهره انا وياك انته بس خبرني وين ومتى