السلام عليكم
بس حبيت اشوف رايكم اخوان شما في زياده اسعار البترول الاخيرة والله العظيم
الواحد مايعرف ويش يقول الحين بيستغل بعض التجار الجشعين الوضع ويزيدوا اسعار المواد الغذائيه وغيرها بحجه ارتفاع سعر البترول الواحد ماصدق قلنا مستحيل يزيدوا بعد اسعار البنزيل مع العلم فرق السما والارض بينا وبين الدول المجاوره في اسعار البزيل مع ان اوضاعنا افضل والحمد لله ولكم جزيل الشكر.
نبا نشوف رايكم في هذا الموضوع وشكرا
انا اشوف انه الحكومة كانت المفروض تهيئ لامر رفع اسعار البترول خصوصا انه بيمس جميع سكان الامارات من مواطنين و اجانب.
انا مب ضد الزيادة لانه فعلا شركات البترول تخسر سنويا مليارت الدراهم بسبب تثبيت سعر البترول فالدولة ، طبعا انا ما اتكلم عن كل الشركات لانه في شركة او شركتين تعوض هذي الخسارة عن طريق خدمات و شركات اخرى.
طبعا فرق السعر تتحمله الحكومة و اتوقع انه 4 او 5 مليار سنويا و لازم نحط فبالنا شي واحد انه 85 من سكان الامارات من الاجانب بما معناه انه الحكومة تدفع 4.25 مليار درهم فرق سعر البترول لمصلحة الاجانب الموجودين فالبلاد.
انا اشوف انه هاي البيزات يتم صرفها في اشياء ثانية تفيد الوطن و المواطن افضل بكثير.
مثلا يتم بناء مشروع مترو الامارات و تطويره بحيث يشمل المناطق الداخلية لمدن الدولة.
ثانيا يجب تنظيم عمل محطات البترول ، يعني ما في داعي 4 او 5 محطات من شركات مختلفة في كيلومتر واحد
ثالثا تجربة التعبئة الذاتية الفاشلة فالامارات
اكيد بتكون فاشلة منو بيصب فمحطة بنفسه فهالحر و بعد دقيقة في محطة و هندي يصب لك البترول و انت يالس فسيارتك ؟؟؟؟
اتوقع انها بتكون ناجحة اذا كان في خصم فالسعر بما انه المحطة بتوفر تكاليف العمالة و معظم سكان الامارات خصوصا الاجانب من المهندة و ربعهم بيوقفون طابور اذا كانت الخدمة ارخص.
و مشكورين
اهل العين عندهم بترول البريمي ياحظهم والله
وشو الحل اخوان شما وربي قهر بنبيع سياييرنا وبداوم ببنت هملول اخيرلي خخخخخخ
بلاك شطيت عالريال والله من حقنا نسوي مظاهره وعالحكومه تراها مب مقصره بس لين متى تبنا نسكت عن هالشركات النصابين ( الامارات واينوك وايبكو ) هم سبب زيادة البترول قبل والحين … انا من راي يحرقون هالشركات من بكرة ابيها ….. وادنوك يجبرونها على انه ترفع اسعارها لأنه اذا مارفعت اسعارها الشركات النصابه اللي قلتلكم عنها بتخسر ……….. الله يعين والله عالظالم