السلام عليكم .. وشحالكم عساكم بخير …
عندي استفسار ..
بو العيال قالي سيري سوي فيزة امريكا … وقلت وليش انته ما تسير تسويلي انا شعرفني في هاي الامور … قالي انا عندي ومسونها قبل 3 سنين .. ولازم انتي اللي تسيرين لانه انتي بتدخلين بروحج … وشغله يمنع انه يسير يساعدني في هاي الامور .. … وابغي اعرف شو اجهز … شو اللي لي شو اللي عليه …
انا بجهز كل هاي الامور … وبسير في الويك اند اذا مداومين
زيارة ولا دراسة؟؟؟
إذا زيارة:
تقومين بالتالي:
Non-Immigrant Visas
تدخلين الموقع التالي وتقرين جميع النقاط، بعد!!
طبعا، أهم المتطلبات:
1) دفع الرسوم – قبل الوعد – لدى بنك أبوظبي الوطني المذكورة في الموقع، والاحتفاظ بايصال الدفع.
2) ملئ استمارة التقديم DS-156 الكترونيا،،،، لازم الكترونيا وعن طريق الموقع.
https://evisaforms.state.gov/ds156.asp
بعد الانتهاء، تطبعين الفورمة (الموقع يقوم بعرض الفورمه على شكل Pdf file، ويمكنك تخزينها!
3) تقومين بعد ذلك بتعبئة استمارة DS-157
http://www.state.gov/documents/organization/79964.pdf
4) تقومين بأخذ موعد عن طريق الموقع التالي:
https://evisaforms.state.gov/default…=DUB&appcode=3
5) بعد حجز الموعد، تقومين بتجهيز الأوراق المطلوبة في الرابط الأول.
تحياتي
لازم تاخذين موعد وتتصلين البحرين ما ادري وين عشان الموعد.
تسيرين هناك عندج كشف حساب ثلاث شهور او شي جي ما اذكر الاجراءات بالضبط والعنوان الي بتسيريله والجواز والجنسية. بالتيلفون بيخبرج الكمبيوتر شو يبون.
بالنسبة للصورة, تصورين عندهم, (ذيك الايام, الحين ما اعرف) خلفية بيضاء ولازم الاذون ظاهره والوجه ومقدمة الرأس, مب الشعر, (الا اذا غيروا الاجراء).
في الموعد, عند بناية راشد, تسيرين القسم الي تحت على يسار البناية, عشان يجيكون على الاوراق ويتأكدون ان كل شي موجود. بعدين يرسولونك مع رجل امن للسفارة. تيلسين 4 ل 8 ساعات على حسب دورج, بتلسين ترمسيهم كل ساعة بيلعوزونج وبيخلونج اخر وحده. بتمرين على جهاز تفتيش فوق قبل لا تدخلين مكان الانتظار.
تترين دورج لين ما ايي. ينادين واحد او وحده, لغرفة رقم (…) تسيرين وتدخلين عندهم, يسألونج بعض الاسئلة سبب الزيارة وين سافرتي قبل وهالاسئلة الغبية. اذا تبين مترجم ايبولج مواطن يترجم, خذي المترجم احسن.
وبعدين يقولج بنرد لج خبر. اذا سياحة, يمكن اليوم الثاني تظهر لكم, اذا ريلج ساير يدرس, الله يعين متى تظهر.
بالنسبة للزيارات في امريكا, انتبهوا من معابر التفتيش الكاشفة للجسد, سيروا اي مطار دولي لا يستخدم هالنوعية, ولو ماشي, لكم الخيار في الاختيار, التفتيش من قبل شخص او المرور بالجهاز.
طبعا هذا كله, كان ايام 2003 اخر مرة سويت لولدي فيزا وخلوني اخر واحد لاني قمت اتحرطم, لول.
بالتوفيق
سلبت الروح:
نصيحة ترى الريال على ما تعودينه
شكرا لك ويزاك الله ألف خير