سؤال الى اصحاب الثعابين او الافاعي ( الحنيش )

9 thoughts on “سؤال الى اصحاب الثعابين او الافاعي ( الحنيش )”

1. ان شاللع الشباب يفيدونك

   بتوفيق ان شالله ……………..

   

2. نصيحتي لك ابتعد عن هالانواع السامه !
   اذا في خاطرك ابتدي بتربيه الانواع الغير سامه مثل البايثون..

3. اخوي الشباب ماقصروا و قالوا كل شي تقريبا…
   بس بصراحه انا كانت عندي هوايه تربية الثعابين و العناكب و العقارب….
   نصيحة مني لك ابعد يا خوك خاصة اذا انت في بيت عود و فيه يهال…
   يتم قلبك يقرصك طول ما انت برع البيت وحتى لو كنت ماخذ احتياطاتك ترى هالثعابين خطيرة جدا..
   والصغاريه الله يحفظهم يحبون يتعبثون بكل شي
   فكر الف مره قبل ما تدخل هالنوعية من الزواحف البيت… و في النهاية ترى تربية الثعابين مافيها المتعة اللي ممكن تلاقيها في تربية الحيوانات الاليفة بكل انواعها..

   الله يوفجك ياخوي ويحفظك و يحفظنا جميعا

4. السلام عليكم

   

   بخصوص ثعبان الكوبرا ,

   عندي اخ عزيز علي له باع طويل في مجال الحيوانات , وصيته يدور لي ثعبان الكوبرا , واحتمال متوسط يحصل لي واحد

   المهم يااخواتي, ماعندي معلومات دقيقة عن الثعابين و كيف اطعمهم وبنحرج اذا بسأل الريال .

   شيء من الاخوان يقولون تشتري فار قوم بو ريالين من السوق ,, بين كل فترة وفتره اطعمه
   بس المشكلة انا مب فاضي اسير السوق بين كل فتره وفتره واشتري فار او فارين ,, باخذ كمية كبيرة عسب يفرخون لكن المشكلة لازم ياكلون الفيارين وماعندي خلفيه الفار شو ياكل

   وناس قالو البيض الطازج وايد زين للثعبان , ياكلها بقشورها , بس السؤال : عادي لو اعطيه كل يوم بيضه او بيضتين , بدل الفيارين ؟

   لانه البيض بيريحني من صدعة تربية الفيارين , صح كرتون البيض غالي , لاكن يستاهل

   المهم اخواني الكوبرا شو يحب ياكل بالضبط ؟ وهل جسمه يتحمل حرارة البلاد ؟

   او لازم اشغل له المكيف , ؟

   والسموحه

   وعليكم السلام ورحمة الله وبركاته

   الغالي شو تبغي فيه بتربيه وبعدين بتفره هههههههه محد بيقرب صوبك

   والحنيش ياكل الفيران والبيض ومب كل يوم تأكله عادي كل 3 ايام مره يتحمل عادي اما بخصوص

   الحر عدنا ماشاء الله الجو حمام سونا لازم تحطه في مكان شوي بارد يعني مب برع البيت

   كان عندي اخوي حنيش = الثعبان اللي يعصر تم عنده اقل من شهر وعطاه واحد نصيحه مني لك

   ابتعد عن هاااااي الاشياء المضره ترى عاااااد وانته عااااااد ما دورت لك غير كوبرا بقول بربي طيار شي

   صغير

   والسموحه منك

5. هلا الغالي انا ربيت ثعبــان من قبل بس كان نوع عادي ..

   اول شي انت ناوي على اقوى الثعابين و افتكهاا سماا .. يعني هذا ان عضك انت عليك العوض فـ اقولك اتحمل و فكر عدل قبل لا تاخذه .. ثاني شي لازم يكون في مكان مسكر .. يعني مب شرات ها الثعابين الي نربيها نحن كل شوي و نطلعها و نلعب وياها .. هذا لا تقرب منه مووول خله شكل بس .. و بخصوص اسالتك ..

   التغذيه ..

   طبعا فأر او صوص بس يعتمد على حجم الثعبان اذا تاخذله فار عود ولا صغير او تاكله مره او مرتين في الاسبوع .. بلنسبة للبيض صح انا سمعت انه الكوبرا ياكل بيض بس لا تعتمد عليه بشكل اساسي لانه ما فيه الموقيات الي تساعد في بناء صحة الثعبان .. فـ حاول تنوع .. و تربية الفيران اخويه ترى هب صعبه .. بس انا انصحك كل اسبوع تقريبا تاخذ لك فارين و تعطيه اياه و فك عمرك من الصدعه

   البيئة ..

   انت اظني عندك فكره بها الشي .. حطله رمل و شوية صخور و مااي و خصن شيره لو تقدر بس اتحمل الحراره لازم تكون بين 29 – 31 .. وانا انصحك تسوي مثل ما انا سويت .. تسير تاخذ لك مقياس حراره و تثبته في بيت الثعبان عسبت تعرف كم الحراره صارت .. و بتعرف لو محتاج اتبرد او تحر المكان

   اتمنى اني افدتك بس نصيحتي لك اخوي ابعد عن ها النوع لانه صج بلوه .. و اذا خذته فكون حريص 100% و اهم شي حط في بالك انه ما يطلع من بيته و ما يدلغك و انت تاكله

   بلتوفيج

Comments are closed.